تۆرکیأنینگ یاراغلی گۆیچلری عفرین بیلن باغلی اؤنگه سۆرمهره صورات بیلن جۇغاپ بردی

تۆرکیأنینگ یاراغلی گۆیچلری؛ اؤزۆنینگ رسمی توییتر حاسابیندان تۆرک و انگلیس دیللرینده پایلاشیلان حاباریندا عفرین ده گچیریلن زیتین شاحاسی حرکتینده آسودا ایلاتا و تاریحی بینالارا ضلل یتندیگی باراداقی اؤنگه سۆرمه‌لره جۇغاپ بردی.

تۆرک قشونی رسمی توئیتر حاسابیندا برن ماغلوماتدا، سوریأنینگ حؤکۆمتی ترور قورامالاری و کأبیر امپریالیست گۆیچلر تاراپیندان یر بیلن بیر ادیلن حلب، رقه و گۆن دۇغار غوطه، عیراق دا بۇلسا موصل شأهِری بیلن باغلی صورتلار بیلن بیرلیکده عفرین ینگ زیتین شاحاسی حرکتیندن سۇنگقی صوراتلار پایلاشیلدی.

توییتده موندان باشغا دا "آسودا/ بی گۆنأ آداملار، تاریحی و دینی/ مدنی قورلوشلار تۆرکیأنینگ یاراغلی گۆیچلری اۆچین ال دِگریلمز" دییپ بلله ندی.

تۆرکیأنینگ یاراغلی گۆیچلری نینگ پایلاشان صوراتلاریندا آمریکانینگ قۇلداوی بیلن آلان آشاچی ترور قوراماسی پ. ک. ک/

پ. ی. د- ی. پ. گ نینگ رقه ده داعش تۇپارینا قارشی گؤره ش باهاسی بیلن ادن حارابالیغی، اسده باغلی گۆیچلرینگ حلب و گۆن دۇغار غوطه ده آسودا ایلاتی نیشانا آلیپ قوران هۆجۆملرینده حارابا دؤنِن بینالار، عیراق دا موصل شأهِرینده داعشه قارشی گؤره ش اتابیندا حارابا اؤورۆلن یرلری آچیق یاغدایدا گؤرۆپ بۇلیار.

عفرین بیلن باغلی صوراتدا بۇلسا تۆرکیأنینگ یاراغلی گۆیچلری نینگ سوریأنینگ عفرین بؤلگه سینده آشاچی ترور قوراماسی پ. ک. ک/ ک. ج. ک/ پ. ی. د- ی. پ. گ و داعشه آغضا ترورچیلاری تأثیرسیز یاغدایا گتیرمه ک، بؤلگأنینگ دۇست و دۇغان حالقینی باسیشدان و ظلمدان حالاص اتمه ک ماقصادی بیلن ۲۰-نجی یانواردا باشلادان زیتین شاحاسی حرکتینده بؤلگه ده یکه جه آدامینگ عم بورنونینگ قاناماندیغینی گؤرۆپ بۇلیار.