تۆرکیأنینگ گۆن ترتیبی ۱۱: عفرین دن سۇنگرا منبج

زیتین شاحاسی حرکتی چأگینده عفرین ینگ تۆرکیه بیلن سرحتدش بۇلان یرلری ی. پ. گ ترورچیلاریندان صاپلاندی و سۇنگقی بیر هپأنینگ دۇوامیندا جندیرس، راجو، شیخ حدید و شاران یالی ایلاتلی یرلر ترورچیلاردان آلیندی. تۆرکیأنینگ سرحت یاقاسینی صاپلاماغیندان سۇنگ ی. پ. گ ترورچیلاری نینگ تۇپ و قیسغا آرالیغا آتیلان راکتلر بیلن تۆرکیأ هۆجۆ قوراماغی نینگ اؤنگی آلینیپ، تۆرکیأنینگ میللی حۇوپسوزلیغی تایدان مؤهۆم نتیجه آلیندی.

شیله لیکده عفرین اترابیندان ریحانلی اترابینا و کیلیس شأهِرینه قورالیان هۆجۆملر هم کسیلدی.

سرحت زۇلاغی نینگ گؤزه‌گچیلیک آستینا آلینماغیندان سۇنگ ی. پ. گ/ پ. ک. ک نینگ آمانوس داغلارینا گچمه أحتیماللیغی هم اۇرتادان آیریلدی.

مألیم بۇلشی یالی ی. پ. گ/ پ. ک. ک عفرین دن حاتای ولایاتینا تاراپ آمانوس داغلاری نینگ اۆست آشیر یاراغ هم ده ترورچی اوغراتدی. شیله لیکده تۆرکیه ده آمریکانینگ ی. پ. گ- أ برن کؤپ سانلی یاراغ اولغاملاری اله سالیندی. اِمما تۆرکیأنینگ میللی حۇوپسوزلیغی تایدان دینگه بیر سرحت حۇوپسوزلیغی دأل، شۇل بیر واغتدا پ. ک. ک نینگ پول و آدام سریشده لری هم الیندن آلینمالی. تۆرکیه اؤز سرحت یاقاسیندا اوزاپ گیدیأن ترور قورشاغینا یۇل برمه‌جکدیگینی زیتین شاحاسی و فیرات قالقانی حرکتلری بیلن گؤرکِزدی.

زیتین شاحاسی حرکتی نینگ چأگینده عفرین قورشاو آستینا آلیندی. اِمما تۆرک یاراغلی گۆیچلری و آزات سوریه قشونی انته‌ک شأهِره هۆجۆمه باشلاماپدیلار. ی. پ. گ ترورچیلاری آسودا ایلاتی قالقان حؤکمۆنده اولانماغا سیانشیار و آسودا ایلاتینگ شأهِر مرکزیندن چیقماغی نینگ اؤنگۆنی آلیار.

شیله لیکده تۆرک اوچارمانسیز هۇوا اولاغلاری نینگ آلان ویدئو یازغیلاری اولاغلار بیلن عفرین دن گیتمأگه سینانشیان آسودا ایلاتینگ ی. پ. گ ترورچیلاری تاراپیندان ساقلاناندیغینی گؤرکِزیأر. عفرین دأکی آسودا ایلات شأهِردن چیقیپ تۆرک یاراغلی گۆیچلری و آزات سوریه قشونی تاراپیندان ترورچیلاردان صاپلانان یره قاچماق ایسله یأر. اِمما ی. پ. گ/ پ. ک. ک اۇنونگ اؤنگۆنی آلیار. تۆرک یاراغلی گۆیچلری و آزات سوریه قشونی آسودا ایلاتینگ ییتگی چکمه‌زلیگی اۆچین اۆنسلی چمه‌لَیأندیگی سبأپلی عفرین ینگ شأهِر مرکزینه قورالجاق حرکتی گیچ باشلادی.

زیتین شاحاسی حرکتی دۇوام ادیأرکأ تۆرکیأنینگ گۆن اۇرتا سرحدی نینگ تروردان صاپلاماق اۆچین تأزه طایارلیقلار گؤریأر. بیر تاراپدان آمریکا بیلن فیرات دریاسی نینگ گۆن باتاریندا یرله شیأن منبج بۇیونچا گپله شیک آلیپ باریان تۆرکیه، بیله کی تاراپدان عیراق داقی ترور تۇپارلاری بۇیونچا عیراغینگ مرکزی حؤکۆمتی بیلن گپله شیکلر گچیریأر.

آمریکا منبج شأهِرینی ی. پ. گ نینگ حأکیمیه‌ت آستینداقی سوریأنینگ دموکراتیک گۆیچلری بیلن آلان واغتی تۆرکیأ شأهِرینگ داعش دن آلینماغیندان سۇنگ ی. پ. گ ترورچیلاریندان فیرات دریاسی نینگ گۆن دۇغارینا چکیلجِکدیگی و منبج شأهِرینه عاراپلار تاراپیندان گؤزه‌گچیلیک ادیلجکدیگینه سؤز بریپدی.

تۆرکیه آمریکانینگ شۇل تکلیبینی بؤلگأنینگ داعش دن صاپلانماغی اۆچین قابول ادیپدی. شیله لیکده منبج حرکتیندن سۇنگ یۇقاری درجه لی آمریکالی ماقاملار ی. پ. گ نینگ بؤلگه دن چیقاندیغینی بیان ادیپدی. اِمما اۇنونگ حاقیقاتی بیان اتمه یأندیگی تۆرکیه تاراپیندان مألیم اادیلدی. فیرات قالقانی حرکتی نینگ دۇوامیندا ی. پ. گ ترورچیلاری نینگ تۆرک یاراغلی گۆیچلری و آزات سوریه قشونینا هۆجۆم اتمه گیندن سۇنگ آمریکانینگ بیان ناماسی نینگ دۇغری بۇلماندیغی ثبوت ادیلدی. تۆرکیه زیتین شاحاسی حرکتیندن سۇنگ منبج شأهِرینی هم ی. پ. گ ترورچیلاریندان صاپلاماقچی.

تۆرکیأنینگ اِگیلشیکسیز توتومیندان سۇنگ آمریکا بیلن یۇقاری درجه لی دوشوشیقلار گچیریلدی و ایشجنگ تۇپارینگ دؤره دیلمه گی بارادا ایلالاشیلدی. ایشجنگ تۇپارلاردا آمریکا بیلن تۆرکیأنینگ آراسیندا بار بۇلان دۆشنۆشمه‌زلیکلرینگ نأحیللی چؤزۆلجِکدیگی آرا آلینیپ ماصلاحاتلاشار هم ده حیذماتداشلیغی اؤسدۆرمه ک اوغروندا باشلانغیچلار ادیلر. منبج بۇیونچا بۇلسا ی. پ. گ نینگ بؤلگه دن چیقاریلماغی و تۆرک هم ده آمریکان عسگرلری نینگ بیله لیکدأکی قشونی نینگ دؤره دیلمه گی میله شدیریلیأر.

شونگا لاییقلیقدا تۆرک و آمریکان عسگرلری منبج ده حۇوپسوزلیغی بیله لیکده اۆپجۆن ادرلر. تۆرکیه "زیتین شاحاسی" حرکتیندن سۇنگ منبج شأهِرینه حرکت قوراما أحتیماللیغی نینگ یانی بیلن آمریکا بیلن ایلالاشماق ایسله یأر. آمریکا اۆچین بۇلسا تۆرکیه بیلن ایلالاشیپ، منبج اۆچین چؤزگۆت تاپیلماغی و بؤلگأنینگ ترور گۆیچلریندن صاپلانماغی حاص یرلیکلی بۇلار. شیله لیکده تۆرکیأ قیمماتی نأچه بۇلسا بۇلسون، منبج ینگ تروردان صاپلانماغی مؤهۆم.

عیراق دا ترور تۇپارلاری اۆچین بۇلسا عیراغینگ مرکزی حؤکۆمتی بیلن بیله لیکده حرکت قورالماق ایسله نیأر. حرکتینگ عیراق داقی سایلاودان سۇنگ قورالماغینا قاراشیلیار. تۆرک یاراغلی گۆیچلری نینگ شۇل بیر واغتدا ایکی جپهه ده ساواشما اوقیبی نینگ باردیغی اۆچین زیتین شاحاسی حرکتی قوتارماسا هم حاربی تایدان تۆرکیأنینگ شیله بیر اوقیبی بار. پ. ک. ک عیراقدا دهوک، زاگرس و قندیل ده یرله شیأر. اِمما سوریه ده بۇلشی یالی پ. ک. ک، داعش ینگ یۆزه چیقماغیندان پیدالانیپ حأکیمیه ت و حرکت میدانینی گینگه‌لتدی. عیراغینگ سنجار اترابیندا و سنجار داغیندا اۇرناشیان پ. ک. ک شۇل بیر واغتدا بؤلگه دن عیراق بیلن سوریأنینگ آراسیندا آراباغلانشیق حؤکمۆنده هم پیدالانیار.

تۆرکیه دۆزِن تأزه کانسپتی بیلن ترورچیلیغا قارشی گؤره شی اؤز چأکلرینده قۇرانیش بیلن دأل، سرحت آشا حاربی حرکتلری عامالا آشیریپ تروری گؤزباشیندا یۇق ادیأر. داعش ینگ فیرات قالقانی حرکتی بیلن سوریأنینگ جرابلس، دابق و الباب اتراپلاریندان صاپلانماغیندان سۇنگ ترور قوراماسی نینگ تۆرکیه دأکی هۆجۆملری آزالدی. حتی قوتاریلاندیغینی هم آیدیپ بیلریس. شیله ده زیتین شاحاسی حرکتیندن سۇنگ عیراق و منبج ی. پ. گ ترورچیلاریندان صاپلاناندان سۇنگ تۆرکیأنینگ ایچینه قورالیان ترورچیلیق حرکتلری آزالار. تۆرکیه آصلینا سر ادیلنده سرحت آشا حرکتلر بیلن دینگه بیر اؤز میللی حۇوپسوزلیغینی دأل، شۇل بیر واغتدا قۇنگشی یورتلارینگ هم میللی حۇوپسوزلیغینی قۇرایار و بۆتین دۆنیأنی ترور حۇوپوندان قۇرایار.