أردۇغان موریتانی دا ساپاردا بۇلدی

تۆرکیأنینگ جمهورباشلیغی رجب طیب أردۇغان، "قدس مسئله سینده هیچ هاچان اگیلشیک اتمه‌ریس" دیدی.

أردۇغان رسمی ساپار بیلن باران یوردی موریتانی دا ایشدشی محمد ولد عبدالعزیز تاراپیندان حۇرماتینا بریلن ناهارا قاتناشدی.

سۇنگ بۇلسا گۆن باتار آفریقا یورتلاریندان سنگالا گیتمه‌گیندن اؤنگ نواکشوت قۇنالغاسیندا محمد ولد عبدالعزیز بیلن اۇرتاق مطبوغات گنگه شینی گچیردی.

تۆرکیه بیلن موریتانی آراسیندا پیدا اساسلی بیر حیذماتداشلیغینگ باردیغینی آیدان أردۇغان، ایلایتا دا تۆرکیأنینگ حصوصی پوداغی نینگ مایاقۇیومینا قۇلداو برندیکلرینی نیغتادی.

أردۇغان، دکابر آییندا ایقدیصادیه ت وزیری نیهات زیبکچی نینگ ایشه وۆرلر بیلن موریتانا قوران ساپارینی یاتلاتدی و اؤزی بیلن گلن ایشه وۆر آداملارینگ دا موریتانیلی ایشه وۆرلر بیلن بیله لیکده ماصلاحات گچیرندیکلرینی آیتدی.

سۇنگقی دؤوۆرده بالیقچیلیق پوداغیندا اؤسۆش باردیغینی آیدان تۆرکیأنینگ جمهورباشلیغی،

"شو واغت ۴۰-دان قۇوراق بالیقچیلاریمیزینگ گأمیسی موریتانی دا. موریتانی نینگ ماغدانچیلیق پوداغیندا اولی پتانیسلینگ باردیغینی بیلیأرین. تۆرکیأنینگ بو پوداقدا اولی تجریبه سی باردیر. ان شاءالله هممه سینده موریتانیلی دۇغانلاریمیزا دا حیذمات اتمه‌ک ایسله‌یأریس" دیدی.

أردۇغان اۇرتاق ایقدیصادی گنگه شی نینگ گچیریلجکدیگینی و ایکی یورت آراسیندا اکرانچیلیقدان سیاحاتچیلیغا، دۆرلی پوداقلاردا ایلالاشیق شرطناماسینا قۇل چکیشیلندیگینی بیلدریدی.

رجب طیب أردۇغان تۆرک هۇوا یۇللاری نینگ نواکشوت شأهِرینه اوچارر ساپاری نینگ دا باردیغینی یاتلاتدی.

تۆرکیأنینگ ۱۵-نجی ایول دا فت الله چی ترور قوراماسی (فتؤنینگ) حیاناتچیلیقلی آغدارلیشیغا سینانشیغی نینگ سزه ور بۇلاندیغینی آیدان أردۇغان،

"۱۵-نجی ایولب بیزلر اۆچین شۇل بیر واغتدا چین دۇستلاریمیزی تاناماغیمیزا بیر وسیله بۇلدی. من حۇرماتلی جمهورباشلیغینگ یوردومیز بیلن دویغوداشلیغی سبأپلی ینه بیر گِزِک ساغ بۇلسون آیدیارین. موریتانیلی ماقاملارینگ فتؤ بیلن گؤره‌شده بیزه برن قۇلداولارینا مینتدارلیق بیلدیریأرین" دیدی.

قدس مسئله سینی ده اونوتمایان تۆرکیأنینگ جمهورباشلیغی، بو شهرینگ شۇل بیر واغتدا مسیحی دۆنیأسی اۆچین هم مؤهۆ بۇلاندیغینی یاتلاتدی.

أردۇغان،

"آمریکانینگ قدس شأهِرینی اؤزی اۆچین ایلچیحانا دییپ ایغلان اتمه‌گی بیزی آصلا دوروزمار. بیز قدس باراسینداقی توتومیمیزدان آصلا ایزا قایتماریس. قدس فلسطین ینگ پایتاغتی دیر مونی دا اۇزالدان آیتدیق" دییپ بِلله دی.

أردۇغان موریتانی دان سۇگ سنگالا گیتدی.