أردۇغان سوریه آصیللی بوکسوری قابول اتدی

تۆرکیأنینگ جمهورباشلیغی رجب طیب أردۇغان بۆتین دۆنیأ قاهرامانی بۇلان سوریه آصیللی بوکسچی محمود عمر مانوئل –ی قابول اتدی.

آنکاراداقی دوشوشیقدا روس بوکسچی آلکساندر اوستینووی ینگیپ ایلکینجی گِزِک دۆنیأده قاهرامان بۇلان محمود عمر قوشاغینی أردۇغانا هؤدۆرله‌دی.

قوشاغینگ اۆستۆنده مرحوم بوکس قاهرامانی محمدعلی کلی بیلن تۆرکیأنینگ جمهورباشلیغی نینگ صوراتی بار.

قابول ادیلشیکده تۆرکیأنینگ باش وزیری بینالی ییلدیریم و یاشلیق و اسپورت وزیری عثمان آشقین باق دا باردی.

سوریه آصیللی بوکسور موندان اۇزال تۆرکیأنینگ سوریه باراسینداقی توتومیندن اؤوگۆلی سؤزلر بیلن سؤز ادیپدی و تۆرک حالقینا و تۆرکیأنینگ جمهورباشلیغینا سوریه حالقینا برن قۇلداولاری سبأپلی مینتدارلیق بیلدیریپدی.