أردۇغان: ناتو دیمهک آمریکا دیمهک دألدیر
أردۇغان آمریکانینگ بودجه سی نینگ ترورچیلیغا قۇلداو اۆچین حارجانیاندیغینی آیتدی
تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی رجب طیب أردۇغان تۆرکیأنینگ بیک میللت مجلیسینده پارتیاسی نینگ تۇپاریندا چیقیش اتدی.
پرزیدنت أردۇغان آمریکانینگ آشاچی ترور قوراماسی پ. ک. ک/ ک. ج. ک/ پ. ی. د/ ی. پ. گ-أ یاراغ کؤمِگینی برمهک باراداقی قارارینینگ تۆرکیأنینگ آمریکا بارادا قابول اتجهک قارارینت تأثیرینی یتیریپ بیلجکدیگینی آیتدی.
چبقیشیندا آمریکانینگ ترورچیلیغا قارشی گؤرهشده ایکی یۆزلی حرکت ادیأندیگینه اۆنسی چکن پرزیدنت أردۇغان، عاصیرلاردان بأری دؤولت دأبینه ایه بۇلان تۆرکیأنینگ ترورا قارشی گؤرهشده اؤز اۆستۆنه دۆشیأن جۇغاپکأرچیلیگینی یرینه یتیرجکدیگینی آیتدی.
آمریکانی ناتونینگ آغضاسی حؤکمۆنده جۇغاپکأرچیلیکلی حرکت اتمأگه چاغیران رجب طیب أردۇغان،
"ناتوآ آغضا یورت ایسهم شیله حرکت اتمهلی می؟ ناتو آغضا بۇلساق، ناتو آغضا حؤکمۆنده تۆرکیه أهلی جۇغاپکأرچیلیگینی یرینه یتیریأن بۇلسا اۇندا آمریکا هم ناتونینگ شرطنامالاری نینگ ماددالارینا و حؤکۆملرینه لاییقلیقدا حرکت اتمهلی. ناتو دیمهک آمریکا دیمهک دألدیر. ناتوآ آغضا بیر یورت آمریکا بیلن دنگ درجه ده دیر. هر بیر آغضا شۇل جۇغاپکأرچیلیکه لاییقلیدا حرکت اتمهلی" دیدی.
آمریکانینگ هم پ. ک. ک/ ک. ج. ک/ پ. ی. د- ی. پ. گ بیلن هم ده داعش بیلن حیذماتداشلیق ادیأندیگینه اۆنسی چکن تۆرکیأنینگ جمهورباشلیغی،
"داعشلی نأچه آدامی یۇق اتدینگیز؟ اۇلاری نیرأ اوغراتدینگیز؟ بو مسئله ده آنیق ماغلومات یۇق. بیز بؤلگه ده کیمینگ کیم بیلن بیرلیکده حرکت ادیأندیگینی، نأمه ایشلر ادیأندیگینی، کیمه نأحیللی مۆمکینچیلیک هؤدۆرلهیأندیگینی آنیقلایاریس. ایندی هیچ کیمینگ داعش باهاناسی اولانماغا حاجات یۇق. سوریه دأکی و عیراق داقی داعش ینگ سۇنگی گلدی. اۇلارینگ پ. ک. ک لیدیعینی گؤرمهدیک دیأنلر اگر کؤر یادا سامسیق دأل بۇلسا اۇندا بِت پألدیر" دیدی.
آمریکان رایاتلارینا هم یۆزلهنِن أردۇغان،
"آمریکانینگ بودجه سیندن ترور قوراماسینا کؤمِک برمهک اۆچین بؤلۆنیپ بریلن پوللار آمریکان حالقی نینگ جۆبۆسیندن چیقان پوللاردیر. بو مسئله ده آمریکان حالقی نینگ حاص اۆنسلی چمه لهشمهکلرینی گۆن ترتیبینه گتیرمهک ایسله یأریس" دیدی.
تۆرک یاراغلی گۆیچلری نینگ سوریأنینگ عفرین شأهِرینده پ. ک. ک/ ک. ج. ک/ پ. ی. د- ی. پ. گ و داعش قوراماسینا آغضا ترورچیلاری تأثیرسیز یاغدایا گتیرمهک دۇست و دۇغانلیق حالقی ترورچیلارینگ باسیشیندان و ظلمیندان حالاص اتمهک اۆچین ۲۰-نجی یانواردا باشلادان زیتین شاحاسی حرکتینه قارشی توتوم آلیپ باریانلارا قارشیلیق گؤرکِزن أردۇغان،
"حرکت سبأپلی هنیزم یوردومیزی گۆنأکأرلهیأنار ایلکی بؤلگه دأکی تونللره، قاچیپ آتالغالارا و یاراغلاندیریلان اۇبالاری گؤرسینلر. اگر شۇل طایارلیقلارینگ یوردومیزا قارشیدیغینی گؤرۆپ بیلمه یأن بۇلسالار اۇندا اۇلارا آیدارا سؤزۆم یۇق" دیدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر
