تۆرکیه ویزاسیز دۇلانشیق اۆچین اوروپا بیله‌له‌شیگینه ایش میلناماسینی ایبردی

تۆرکیأنینگ اوروپا بیله له شیگیندأکی همیشه لیک وکیلی فاروق قایماقچی ویزاسیز دۇلانشیق اۆچین ایش میلناماسینی اوروپا بیله له شیگی کمیسیونی نینگ بیرینجی باشلیغی نینگ اۇرونباساری فرانس تیمرمان – آ بردی.

دیپلماتیک چشمه لردن آلینان حابارا گؤرأ، قایماقچی میلنامانی استراسبورگ دا تیمرمانا بردی.

تۆرک دیپلمات بو ایشینگ اؤنگه گیدیشی اۆچین کمیسیونینگ تۆرکیأ قۇلداو برمه‌لیدیگینی آیتدی.

تیمرمان بۇلسا شۇل واغت ایشه باشلاجاقدیقلارینی بیلدیردی.

تۆرکیأنینگ داشاری ایشلر وزیری تۆرکیأنینگ اوروپا بیله له شیگینه ویزاسیز دۇلانشیق حاقی اۆچین نۆرک تاراپی نینگ ۷۲ ماددادان ۶۷-سینی برجای ادندیگینی آیتدی.

اوروپا بیله له شیگی تۆرکیأنینگ ۶۵ ماددانی برجای ادندیگینی بیلدیریأر.

قالان ماددالارینگ دینگه اوروپا بیله له شیگی نینگ نصیحاتی بۇلاندیغینی نیغتان چاووش اۇغلی،

"بیز بۆتین ماددالاری تاماملادیق. حاطیمیزی اوروپا بیله له شیگینه برنیمیزده اۇلار ایشه باشلامالی. اینگ قیسغا مؤهلِتده بو ایشینگ تاماملانماغی ضرور" دیدی.