بینالی ییلدیریم: بیر واغتلار اتوبوس شؤفری بۇلدیم

تۆرکیأنینگ باش وزیری بینالی ییلدیریم بیر واغتلار اتوبوس شؤفری بۇلاندیغینی آیتدی.

ت. ر. ت حابار کانالیندا گؤنگۆل داغی پروگرامماسیندا هلندلی ژورنالیست ویلکو ون هرپن ینگ میهمان بۇلان ییلدیریم، اتوبوس شؤفری بۇلاندیغینی آیتدی.

اتوبوسی سۆرِن ییلدیریم،

"شو واغتقی اتوبوسینگ اولی ماغناسی بار. ۱۹۷۸-نجی ییلدا من اتوبوس سۆرمأگه باشلادیم. بو اتوبوس شۇل واغت آلان اتوبوسیمیز یالی. ایندی ۱۵ ییلدان بأری دۇغری دۆزگۆلی اولاغ سۆرمه‌دیم. منینگ اۆچین ده اۆیتگه‌شیک بیر زات بۇلدی" دیدی.

تۆرکیأنینگ هر یرینه یۇلاغچی آلاندیقلارینی آیدان باش وزیر،

"قاقام بیلن بیله لیکده شو ایشه گیردیک. ۱۹۸۴-نجی ییلا چنلی شو ایشه دۇوام اتدیک. شیله لیک بیلن تۆرکیأنینگ هر یرینه یۇلاغچی آلیپ گیتدیم. شۇل واغتلار پیکریمده وزیر بۇلماق، باش وزیر بۇلماق یالی زات یۇقدی. دینگه ایسله‌مه‌ک بیلن بۇلمایار. حؤکمأن ایشله‌مه‌لی" دیدی.

بینالی ییلدیریم، تۆرکیأنینگ جمهورباشلیغی رجب طیب أردۇغان بیلن نأحیللی تانیشاندیغی بارادا،

"حۇرماتلی جمهورباشلیغیمیز بیلن ۱۹۸۰-ِه قۇلای قاسیم پاشا دا تانیشدیم. میللی سالامات پارتیاسیندا سیاستچیدی و بیر یاندان دا فوتبالچیدی. سۇنگ ایستامبول ینگ شأهِر حأکیمی بۇلاندا من ده ایستامبول دنگیزچیلیک اتوبوسلاری نینگ باشلیغی بۇلدیم. بیلیشینگیز یالی جمهورباشلیغیمیز شأهِر حأکیملیگیندن سۇنگرا تۆرمأ ایبریلدی. من ده شۇل ایشدن آیریلیپ اؤزۆمه ایشله دیم. سۇنگرا عادالات و اؤسۆش پارتیاسی نینگ قورلوشیق بادیندا یانگاداندان بیله لیکده ایشله مأگه باشلادیق" دیدی.