بینالی ییلدیریم سعودی عربیستان دا ساپاردا بۇلدی

تۆرکیأنینگ باش وزیری بینالی ییلدیریم سعودی عربیستان دا ساپاردا بۇلدی.

ییلدیریم رسمی ساپاریندا سعودی پاتشاسی سلمان بن عبدالعزیز بیلن دوشوشدی.

دوشوشیقدا قدس مسئله سی نینگ أهمیتینه اۆنس چکیلیپ، فلسطینلیلرینگ حاقلاری نینگ قۇرالماغی اۆچین بۆتین اسلام عألمی نینگ جبیسلیک ایچرسینده تاغاللا اتمه‌گی و بیرلشن میللتلر قوراماسی نینگ عمومی گنگه شی نینگ قاراری نینگ گۆیچلی بیر قارار بۇلاندیغی آیدیلدی.

اؤزآرا دوشوشیقدا دۆیپلی تاریحی، دینی و بشری باغلاری بۇلان ایکی یوردونگ آیلاق و یاقین گۆن دۇغار بؤلگه سینده قاتناشیقلاری نینگ دُدۆریلمه‌لیگینه اۆنس چکیلدی.

ییلدیریم- عبدالعزیز ینگ دوشوشیغی ۱ ساغات دۇوام اتدی.

اؤزآرا دوشوشیقدان سۇنگ تۇپارآرا دوشوشیق گچیریلدی.

ییلدیریم رسمی ساپاریندا شازادا و قۇرانماق وزیری بۇلان محمد بن سلمان بیلن ده دوشوشدی.