أردۇغان: بیرلشن میللتلر قوراماسی نینگ قاراری قدس اۆچین قوتلی بۇلسون
تۆرکیأنینگ جمهورباشلیغی نینگ بیرلشن میللتلر قوراماسی نینگ قدس مسئله سیندأکی قاراری باراسیندا بیاناتی
![أردۇغان: بیرلشن میللتلر قوراماسی نینگ قاراری قدس اۆچین قوتلی بۇلسون](http://cdn.trt.net.tr/images/xlarge/rectangle/dc13/84b5/942a/5a3c1398365c4.jpg?time=1719127513)
آمریکانینگ توتومینا قارشی قدس باراسیندا بیرلشن میللتلر قوراماسینا هؤدۆرلهنِن تکلیپ اولی بیر سس سانی بیلن قابول ادیلدی.
تۆرکیأنینگ جمهورباشلیغی رجب طیب أردۇغان، بیرلشن میللتلر قوراماسی نینگ عمومی ماصلاحاتیندا قدس تاسلاماسی نینگ شیله اولی اۆستۆنلیک بیلن قابول ادیلمهگینی قوتلادی.
أردۇغان قدس مسئله سینده ۱۲۸ قابول و ۹ رِت سس بیلن قابول ادیلن قارار حاقیندا،
"قدس مسئله سینده بیرلشن میللتلر قوراماسی نینگ عمومی ماصلاحاتینا هؤدۆرلِهنِن قارارینگ شیله اولی اۆستۆنلیک بیلن قابول ادیلمهگینه بویسانچلیدیرس" دیدی.
أردۇغان توئیتر حاسابیندا، قدس تاسلاماسی نینگ اۆستۆنلیگی باراسیندا توئیت یازدی.
تۆرکیأنینگ جمهورباشلیغی،
"ترامپ دۇلانشیغی نینگ، بیرلشن میللتلرینگ عمومی ماصلاحاتی تاراپیندان بی قانونلیغی آچ آچان ایغلان ادیلن توتومیندان ایزا قایتماغینا قاراشیاریس. فلسطین بیلن قدس مسئله سینده قۇلداو برن هر کیمه اؤز آدیمدان و میللتیمینگ آدیندان مینتدارلیق بیلدیریأرین" دیدی.
أردۇغان سؤزلرینی انگلیس و عاراپ دیلینده ده پایلاشدی.
تۆرکیأنینگ جمهورباشلیغی نینگ مطبوغات گنگه شچیسی ابراهیم قالین دا سس بریلشیک باراسیندا
"ترامپ ینگ دۇلانشیغی نینگ قدس توتومینی قابول اتمهیأن قارار تاسلاماسی، بیرلشن میللتلر قوراماسیندا ۹ رِت سس و ۱۲۸ قابول سسی بیلن قابول ادیلدی. قدس آدیندان، فلسطین مسئله سی آدیندان، گلوبال عادالات و وجدان ینگ آدیندان بو تاریحی قارار قوتلی بۇلسون" دیدی
دِگیشلی حابارلار
![پ. ک. ک نینگ اۆچ ترورچیسی تأثیرسیز یاغدایا گتیریلدی](http://cdn.trt.net.tr/images/medium/rectangle/0283/4eed/bbde/646b6ebc42899.jpg?time=1719127513)
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر