أردۇغان قطرده ساپاردا بۇلدی

تۆرکیأنینگ جمهورباشلیغی رجب طیب أردۇغان روسیا بیلن کویت دن سۇنگرا قطرده ساپاردا بۇلدی.

أردۇغان قطرینگ امیرلیک گنگه‌شینده، قطرینگ امیری شیخ تمیم بن حمد آل ثانی تاراپیندان قارشیلاندی.

ایکی یۇلباشچی، قارشیلاما داباراسیندان سۇنگرا اؤزآرا دوشوشیق گچیردی.

دوشوشیقدا پارس آیلاغی یورتلاری آراسینداقی دارتغینلیق، حالقارا مسئله لر، بؤلگه آرا واقالار و ایقدیصادی قاتناشیقلار گۆن ترتیبینه گتیریلدی.

أردۇغان تۆرکیه- قطر یۇقاری درجه لی استراتژیک کمیته سی نینگ ۳-نجی ماصلاحاتینا دا قاتناشدی.

ماصلاحاتدان سۇنگرا کؤپ سانلی پروتکلا قۇل چکیشیلدی.

ایکی یوردونگ آراسیندا مرکز بانکلار، سیاحاتچیلیق، ایمیت، رادیو و تلویزیون، حقوق و عادالات، هۇواچیلیق، دۇغانلیق دنگیزیاقا شأهِرلر، بیلیم و تکنولوژی و انسانی کؤمِک بارالاریندا دۆرلی ایلالاشیق شرطنامالارینا قۇل چکیشیلدی.

قطرینگ امیری تۆرکیأنینگ جمهورباشلیغی نینگ حۇرماتینا اؤیلأن ناهارینی بردی.

أردۇغان-ی بو ساپاریندا ۹ وزیر، قشون باشلیغی خلوصی آقار و میللی حابار آلما تشکیلاتی نینگ باشلیغی هاکان فیدان دا یۇلداشلیق اتدی.

رجب طیب أردۇغان دوجهدأکی تۆرک قشونی نینگ مرکزینه ده باریپ گؤردی. عسگرلر بیلن حاطیرا صوراتینی چکدیرن أردۇغان سۇنگرا بۇلسا قطردأکی تۆرک قشونی نینگ باش توتانلاری بیلن دوشوشدی.

دوشوشیق مطبوغاتا یاپیق یاغدایدا گچیریلدی.