تۆرکیه یر تیترأن بؤلگه لره کؤمِک یتیریأر

تۆرکیأنینگ باش وزیری بینالی ییلدیریم تۆرکیأنینگ بۆتین گۆیجی بیلن یر تیتره مه سیندن ضلل گؤرِن عیراقلی دۇغانلاری نینگ یانیندا بۇلاندیغینی بیلدیردی.

ییلدیریم برن یازماچا بیاناتیندا تۆرکیأنینگ دمیرقازیق عیراق دا مرکزی سلیمانیه بۇلان بو یر تیتره مه سیندن قینانچ بیلدیریأندیگینی و ایکینجی داقیقادان، یر تیتره مه ده ضلل گؤره‌نلرینگ یانیندا بۇلماق اۆچین ایشه باشلاندیغینی نیغتادی.

تۆرکیأنینگ باش وزیری،

"تۆرکیه، عیراق حالقی نینگ أتیأجی بۇلان بۆتین ایسله‌گلری اۆچین طایاردیر" دیدی.

باش وزیرینگ اۇرونباساری و حؤکۆمتینگ مطبوغات گنگه شچیسی بکر بوزداغ دا تۆرکیأنینگ بارلاغ و حالاص ادیش ایشلری بیلن ییقیلان یرلری دیکه‌تمه‌ک باراسیندا و یارالیلارینگ بجرگی آلماغی و انسانی کؤمِک اۆچین واغت ییتیرمأنی طایارلاناندیغینی آیتدی.

بوزداغ برن بیاناتیندا، یر تیتره مه سینده آرادان چیقانلارا آلله دان رحمت دیله دی و عیراق حالقینا دویغوداشلیق بیلدیردی.

داشاری ایشلر وزیری مولود چاووش اۇغلی دا تۆرکیأنینگ عیراق حالقی نینگ یانیندا دوریاندیغینی آیتدی و هر حیلی کؤمِگه طایار بۇلاندیقلارینی یاتلاتدی.

تۆرکیأنینگ جمهورباشلیغی نینگ مطبوغات گنگه شچیسی ابراهیم قالی ندا عیراق دا بۇلان ۷.۲ ریشتر اولولیغینداقی یر تیتره مه سیندن سۇنگرا آفد، قیزیل آی و بیله کی تۆرک قورامالاری نینگ بارلاغ حالاص ادیش، درمان، یۇرغان و انسانی کؤمِکلری برمأگه طایاردیقلارینی آیتدی.

قشون باشلیقلیغی نینگ انسانی کؤمِک آلیپ باریان اوچاری نینگ دا سلیمانیه شأهِرینه گیتجکدیگی بیلدیریلدی.

تۆرکیأنینگ قشونی نینگ ایبرجک اوچاری ساغلیغی ساقلاییش انجاملاری، درمان و ۲۵۰ اولی چادیر آلیپ بارار.

اوچاردا ۲۰ ساغلیغی قۇراییش ایشگأری ده بار.