سومالی: بیزه دینگه تۆرکیه کؤمِک بریأر

سومالی نینگ جمهورباشلیغی محمد عبدالله فرماجو شنبه گۆنکی ترورچیلیق هۆجۆمیندن سۇنگرا یوردونا دۆنیأده دینگه تۆرکیأنینگ کؤمِک برندیگینی بیلدیردی.

موگادیشوداقی قۇنالغادا مطبوغاتا بیانات برن فرماجو، سومالا قۇلداو برمه ک اۆچین آیدان سؤزلری اۆچین تۆرکیأنینگ جمهورباشلیغی رجب طیب أردۇغانا و تۆرک میللتینه مینتدارلیق بیلدیردی.

سومالی نینگ یۇلباشچیسی،

"تۆرکیأنینگ تاغاللالاری ۲۰۱۱-نجی ییلدان بأری سومالی دا بۆتین پوداقلاردا دۇوام ادیأر. یوردومیز هر هاچان قینچیلیق چکنده تۆرکیأنی یانیمیزدا گؤردۆک" دییپ بِلله دی و بو قۇلداولارینگ، عاصیرلاردان بأری دۇوام ادن دۇغانلیغینگ میواسی بۇلاندیغینا اۆنس چکدی.

فرماجو "تۆرکیه، ترورچیلیق هۆجۆمیندن سۇنگرا بیزه کؤمِک برن، قۇلداو برن یکه تأک یورت" دییپ سؤزلرینه قۇشدی.