شیرناق‌دا ۶ ترورچی اؤلدۆریلدی

شیرناق ولایاتیندا آیرالیقچی ترور قوراماسی پ. ک. ک نینگ ۶ آغضاسی اؤلدۆریلدی.

قشون باشلیقلیغی تاراپیندان بریلن ماغلوماتا گؤرأ، بیت الشباب شأهِریندأکی اۇبا یرلرده دیک اوچار قۇلداولی حرکت قورالدی.

حرکتده ۶ ترورچی اؤلدۆریلدی.

حکاری و بیتلیس ده بۇلسا ۲ ترورچی تسلیم بۇلدی.

ایچری ایشلر وزیرلیگی سۇنگقی بیر هپده ده ۲۶ ترورچی نینگ اؤلدۆریلندیگینی بیلدیردی.

جمی موقداری ۴۳ ترورچی تأثیرسیز یاغدایا گتیریلدی.

۱۱۱۹ اۇپراسیادا پ. ک. ک ترور قوراماسینا قۇلداو برن ۲۱۳ آدام، داعش ترور قوراماسی بیلن باغلانشیقلی ۴۶، فت الله چی ترور قوراماسی پارالل دؤولت اولغامی (فتؤ/ پ. د. ی) بیلن باغلانشیقلی ۸۳۱ آدام و سۇلچی ترور قورامالاری بیلن باغلانشیقلی ۸ آدام توسساغ ادیلدی.

تروریستلاردان ۳-ی ساغ یاغدایدا توسساغ ادیلدی، ۱۴-ی نینگ اؤزی تسلیم بۇلدی.

باتمان، شیرناق، بین گؤل، دیاربکر، تونجلی ده گچیریلن اۇپراسیالاردا ۱۲ جان پنا و قۇواق بیلن دوزاقلانان ۱۸ ال بیلن یاسالان بمبا یۇق ادیلدی.

اۇپراسیالاردا ال بیلن یاسالان ۷ تن پارتلاییجی ماددا، ۴۱ سانی ال بمباسی، ۳۳-ی آغیر بۇلماق بیلن ۴۳ یاراغ دا ضبط ادیلدی.