أردۇغان کویت ده ساپاردا بۇلدی

تۆرکیأنینگ جمهورباشلیغی رجب طیب أردۇغان پارس آیلاغی یورتلارینا قوران ساپاری نینگ ایکینجی دورالغاسیندا کویت ده امیر شیخ صباح الأحمد الجابر الصباح بیلن دوشوشدی.

أردۇغان کویت ینگ حالقارا قۇنالغاسی نینگ امیرلیک ترمینالیندا الصباح تاراپیندان قارشیلاندی.

سۇنگرا ۲ یۇلباشچی، ۱ ساغات ایکی چأک دوشوشیق گچیردی.

کویت ینگ رسمی حابار آژانسی کونانینگ حابارینا گؤرأ، دوشوشیقدا بؤلگه دأکی سۇنگقی یاغدایلار باراسیندا گپله شیلدی و ایکی چأک قاتناشیقلار بیلن ایکی یوردونگ پیدالاری باراسیندا دورولدی.

حابارا گؤرأ دۇستلیقلی دوشوشیقدا ایکی یوردونگ بۆتین پوداقلاردا قاتناشیقلاری نینگ اؤسدۆریلمه‌گی نینگ ضرور بۇلاندیغینا اۆنس چکیلدی.

أردۇغان سۇنگرا بۇلسا کویت امیری نینگ تاراپیندان اۇنونگ حۇرماتینا بریلن آغشام ناهارینا قاتناشدی.

کؤشکدأکی آغشام ناهاری مطبوغاتا یاپیق یاغدایدا اییلدی.