ییلدیریم یونان داقی تۆرکلر بیلن دوشوشدی

تۆرکیأنینگ باش وزیری بینالی ییلدیریم یونان داقی تۆرکلرینگ دردی نینگ تۆرکیأنینگ دردی بۇلاندیغینی آیتدی.

ییلدیریم، یونان ینگ گۆمۆلجینه شأهِری نینگ قیرجالی اۇباسیندا ۵ مۆنگ آدامینگ آغزآچار ناهارینا قاتناشدی.

مبارک اۇرازا آییندا آغزآچار باهاناسی بیلن گۆن باتار تراکیا تۆرکلری بیلن دوشوشماغینا حۇشالدیغینی آیدان ییلدیریم یونان بیلن تۆرکیأنینگ اتجک کؤپ اوغورلی ایشی نینگ باردیغینی نیغتادی.

بینالی ییلدیریم؛

"یونان و تۆرکیه ایکی قۇنگشی یورت. بیله لیکده ادیلجک کؤپ ایش بار. بو قاتناشیقلارینگ یۇقارلادیلماغی اۆچین اینگ اولی أهمیته یونانلی تۆرکلر ایه دیر. شونونگ اۆچین یونان داقی تۆرکلرینگ حۇش باغتلیلیغی تۆرکیأنینگ حۇش باغتلیلیغیدیر، یونان داقی تۆرکلرینگ دردی تۆرکیأنینگ دردیدیر" دیدی.

تۆرک باش وزیر، یونان بیلن اِنچمه ییلدان بأری دۇوام اتدیریلن گِپله شیکلر بیلن ایکی یوردونگ آراسیندا ایقدیصادیه ت، قاتناو و ترانزیت، سیاحاتچیلیق یالی پودقلاردا حیذماتداشلیغی اؤسدۆرِندیکلرینی یاتلاتدی و قازانچ اۆچین دیالوگ شرطدیر دیدی.