أردۇغان: بالکان یورتلارینینگ تۇپراق بیتؤولیگینه حۇرمات قۇیولمالی
أردۇغان آلبانیانینگ تاپ چنل کانالینا رپرتاژ بردی
تۆرکیأنینگ جمهورباشلیغی رجب طیب أردۇغان بالکان یورتلاری نینگ تۇپراق بیتِولیگینه حۇرمات و صارپا قۇیولماغینینگ ضروردیغینی آیتدی.
أردۇغان آلبانیانینگ تاپ چنل کانالینا رپرتاژ بردی.
أردۇغان بو شنبه یکشنبه آلبانیادا گچیریلجک سایلاولار بیلن باغلانشیقلی "قۇلایلان سایلاو، آلبانیا اۆچین تأزه بیر دؤورۆنگ باشلانغیجی بۇلجاقدیر. آلبانیانینگ حالقی دا اؤز گلجگینی گۆیچلی قیلماق ماقصادی بیلن سایلاوا قاتناشار. من شۇنگا اینانیارین" دیدی.
تۆرکیأنینگ جمهورباشلیغی، تۆرکیه بیلن آلبانیانینگ آراسینداقی چونگ قاتناشیقلارا اۆنس چکدی و "آلبانیا اؤزۆنه حاص، دۆرلی دینی تۇپارلاری بیر یرده یاشادیار" دییپ بِللهدی.
آلبانیانینگ بالکان بؤلگه سینده اؤرأن أهمیتلی بیر رایداشلیق عنصری بۇلاندیغینی و بؤلگأنینگ دورنوقلیلیق و آسودالیغی اۆچین مؤهۆم بیر یورت بۇلاندیغینی نیغتادی.
أردۇغان، آلبانیا، مقدونیه و کوزوونی یکه بیر آلبانیا دؤولتی گؤرنۆشینده بیرلهشدیرمهک باراسینداقی قاراییشلارا دا اۆنس چکدی و
"شیله بیر زادی پیکیر اتمهک ایسلهمهیأریس. هر یوردی اؤز جغرافی شرطلری ایچرسینده گؤرمهک ضروردیر. بو مسئله لره ال اوزاتماغی آصلا دۇغری گؤرمهیأرین. شو واغت عیراق دا، سوریه ده یاغدایلار بِللی. شۇل یاغدایلارینگ بالکان یورتلاری نینگ باشینا گلمهگینی ایسله مه یأرین" دیدی.
رجب طیب أردۇغان فتؤ ترور قوراماسی باراسیندا دا دویدوریش بردی و "چاغالاریتگیزی آصلا فتؤنینگ اۇقووجایلارینا ایبرمأنگ" دیدی.
أردۇغان فت الله چی ترور قوراماسی فتؤ نینگ آلبانیا بیر خطر بۇلوپ بیلجکدیگینی ده سؤزلرینه قۇشدی.
دِگیشلی حابارلار
تۆرکیه بیلن فلسطین ینگ آراسیندا ایکی ایلالاشیق قابول ادیلدی
تۆرکیأنینگ بیک میللت مجلیسینده تۆرکیه بیلن فلسطین ینگ آراسیندا قوُل چکیلن ایلالاشیقلار قابول ادیلدی
تۆرکیه ترورچیلیق بیلن گؤرهشه دوُوام ادیأر
11 ولایاتدا ترورچیلار تاراپیندان قوللانیلیان 92 قوُواق و هین یوُق ادیلدی