تۆرکیه، آمریکانینگ وکیللر مجلیسی نینگ قارارینی برک یازغاردی
حسین مفتی اۇغلی آمریکانینگ وکیللر مجلیسی نینگ قارارینی یازغاردی
تۆرکیه، آمریکانینگ وکیللر مجلیسینده تۆرکیأنینگ جمهورباشلیغی رجب طیب أردۇغان ینگ شۇل یوردا ساپاری بادیندا واشنگتن داقی ایلچیحانانینگ اؤنگۆنده بۇلان واقالاری یازغاران سامسیقچا قاراری قابول اتمهگینی تانقیت اتدی.
داشاری ایشلر وزیرلیگی، بو قارارینگ "حاقیقاتلاری اؤیتگهدیلن تاراپلی بیر تکلیپ" حؤکمۆنده بۇلاندیغینی بیلدیردی.
داشاری ایشلر وزیرلیگی نینگ مطبوغات گنگهشچیسی حسین مفتی اوغلو برن یازماچا بیاناتیندا؛
"چالت یاغدایدا سس بریلشیک گچیریلن و قابول ادیلن بو تکلیبی قابول اتمهیأریس" دیدی.
أردۇغان ینگ آمریکا ساپاریندا تۆرکیأنینگ واشنگتن ایلچیحاناسی نینگ میحمانحاناسی نینگ اؤنگۆنده بۇلان واقلاریان، بریلن کؤپ سانلی رسمی دویدوریشا قارامازدان آمریکان ماقاملاری نینگ گرکلی حۇوپسوزلیق چأرهسینی گؤرکِزمأنی سبأپلی بۇلاندیغینا اۆنس چکن مفتی اوغلو،
"نأمه اۆچین آمریکان ماقاملاری بو ساپارینگ بیله کی اتاپلاریندا آلان برک حۇوپسوزلیق چأره لرینی ایلچیحانانینگ میحمانحاناسی نینگ اؤنگۆنده آلمادی، شیله بیر سۇراغ بار" دییپ بِللهدی.
مفتی اۇغلو واقانینگ بۇلماغینا سبأپ بۇلان آشاهۆجۆمچی حرکتلر اۆچین ده سبأپ گؤرکِزیلمأندیگینی بیلدیردی.
حسین مفتی اوغلو؛
"شول واقانی باشغا بیر یره چکمهک ایسلأپ آمریکانینگ وکیللر مجلیسینده گۆن ترتیبینه گتیرمهک واقانینگ چؤزگۆده قۇوشوریلماغینا کؤمِک برمز. بیز بو واقانی یاغقیندان ایزارلاپ، پیدالی بۇلان بو ساپارا پأسگل برمِزلیگینی اومیت ادیأریس" دیدی.
دِگیشلی حابارلار
دمیرقازیق عیراق دا پ. ک. ک نینگ اۆچ ترورچیسی تأثیرسیز یاغدایا گتیریلدی
عیراغینگ دمیرقازیغیندا آیرالیقچی ترور قوراماسی پ. ک. ک نینگ اۆچ ترورچیسی تأثیرسیز یاغدایا گتیریلدی