أردۇغان اوروپالی قورامانینگ توتومینی برک تانقیت اتدی

تۆرکیأنینگ جمهورباشلیغی رجب طیب أردۇغان تۆرکیه‌ده ۱۶-نجی آپریل دا گچیریلن اساسی قانونینگ اؤزگّردیلمه‌گی باراسینداقی ایله سۇراغدا گۆن باتار یورتلاری نینگ هیچ بیرینده گؤرۆلمه‌دیک دموکراتیک بیر سایلاو گچیریلندیگینی آیتدی.

أردۇغان اوروپادا حۇوپسوزلیق و حیذماتداشلیق قوراماسی نینگ ایله سۇراغ باراسینداقی بیان ناماسینی برک یازغاردی.

بأش دپه دأکی جمهورباشلیق کؤشگۆندن حالق اۆچین چیقیش ادن أردۇغان، شۇل قورامانینگ اؤز چنینی بیلمه‌گینی ایسله دی.

اوروپادا حۇوپسوزلیق و حیذماتداشلیق قوراماسی نینگ سیاسی تِمالی بیان نامالاری نینگ هیچ أهمیتی بۇلماندیغینی نیغتان أردۇغان

"بو یورت، گۆن باتارینگ هیچ بیر یوردوندا گؤرۆلمه‌دیک اینگ دموکراتیک سایلاوی گچیردی. بیرنأچه اوروپا یورتلاری تۆرکیأنینگ بانکلاری تۆرکیأ آلمایار و اوتانمانی یادامانی بو سایلاوی کیچیلتمه‌ک اۆچین یاریشیار. اۇلار شو ایشلریندن نتیجه آلیپ بیلمز" دیدی.

أردۇغان ۲۵ میلیون ۲۰۰ مۆنگه قۇلای آدامینگ ایسله گی بیلن اساسی قانونینگ اؤزگِردیلمه‌گی نینگ قابول ادیلندیگینی آیتدی و جِدِللرینگ قوتاراندیغینی نیغتادی.

رجب طیب اردوغان "تاریحی نینگ اینگ اولی سس بریلشیگی بیلن قابول ادیلن رفراندوم بیلن گلن تأزه لیکلر موندان بیلأک بۆتین میللتمیزینگ حیذماتیندا. موندان بیلأک هِممأمیزینگ گِله‌جِگه قاراماغی نینگ واغتیدیر" دیدی.

بیرنأچه اوروپا یوردونینگ تۆرکیه دأکی رفرما برک قارشیدیغینی آیدان تۆرکیأنینگ جمهورباشلیغی، شۇلار یالی پیکیر اتمه‌یأن تۆرکلرینگ اۆستۆنه آت و ایت بیلن هۆجۆم ادیلندیگینی آیتدی.

اوروپانینگ، تۆرکیأنینگ اوروپا بیله له شیگینه آغضالیغی نینگ دوروزیلماغی بیلن تهدیت ادیأندیگینی آیدان اردوغان "بو بیزینگ اۆچین أهمیتلی دأل. دینگه قارار بریپ شۇل قارارلارینی بیزه بیلدیرمه‌کلری یترلیک. گِرِه‌ک بۇلان حالاتیندا بیر رفراندوم بیلن اوروپا بیله له شیگینه آغضالیق باراسیندا قارار بریلر. قاراری میللت برر" دییپ بِلله دی.

اوروپا بیله له شیگی نینگ تۆرکیأ ایکی یۆزلی چِمه‌له‌شیأندیگینی بیلدیرن رجب طیب أردۇغان:

"یا تۆرکیأ برن سؤزلرینده دورارلار یادا نتیجه لرینه چکرلر. بو ایش گیزلین یاغدایدا ترور قورامالارینا یاراغ برمه‌ک، شۇلارا پول بریپ بیزینگ یوردومیزا سۆرمه‌ک یالی بیر ایش دألدیر" دیدی.