بینالی ییلدیریم: رسمی بۇلمادیق نتیجه لره گؤرأ سایلاودا اؤزگِرلیشیک ینگیش قازاندی

تۆرکیأنینگ باش وزیری بینالی ییلدیریم رسمی بۇلمادیق نتیجه لره گؤرأ اساسی قانونینگ اؤزگِردیلمه‌گی باراسینداقی ایله سۇراغا حالقینگ قۇلداو برندیگینی آیتدی.

ییلدیریم نتیجه لرینگ بریلمه‌گیندن سۇنگرا باشلیغی حؤکمۆنده دۇلاندیران عادالات و اؤسۆش پارتیاسی نینگ مرکز جایی نینگ اؤنگۆنده ییغنالان آداملارا بیانات بردی.

سؤزلرینه "بیلمه‌یأنلر اِشیتسین، بیز دۇغاندیرس، یکه تن، بیر میللتدیرس" دییپ باشلان ییلدیریم، سایلاوا قاتناشیغینگ یۇقاری بۇلماغی سبأپلی واطانداشلارا مینتدارلیق بیلدیردی.

ایله سۇراغینگ دورنوقلیلیغینگ ایچرسینده تاماملانماغی سبأپلی مینتدارلیغینی آیدان تۆرکیأنینگ باش وزیری، تۆرکیأنینگ اؤنگۆنه تأزه بیر صاحیپا آچیلاندیغینی آیتدی و "بو صاحیپانی حالقیمیزینگ آسودالیغی اۆچین گؤزدِن گچیرریس" دیدی.

بینالی ییلدیریم چیقیشیندا تۆرکیأنینگ جمهورباشلیغی رجب طیب أردۇغانا دا مینتدارلیق بیلدیردی و "بو دموکراتیک ایسله‌گینگ اۇرتا گلمه‌گی اۆچین تاغاللا ادن هممه حالقا مینتدارلیق بیلدیریأرین" دیدی.