أردوُغان: اوروپا بیله له شیگینه آغضالیق اۆچین ایله سوُراغ گچیرلر

تۆرکیأنینگ جمهورباشلیغی رجب طیب أردوُغان، تۆرکیأنینگ اوروپا بیله له شیگینه آغضالیغینا؛ ۱۶-نجی آپریل دا اساسی قانونینگ اۆیتگه مه گی باراسینداقی ایله سوُراغدان سوُنگرا یانگاداندان قارالجاقدیغینی بیلدیردی.

تۆرکیأنینگ جمهورباشلیغی ایزمیرینگ گۆن دوُغدی میدانیندا "ایزمیر دوشوشیغیندا" ایزمیرلی حالقا بیانات بردی.

اوروپا اۆچین "بولار ۱۰۰ ییل موندان اوُزال بیزه کِسِل دییپ آیدیاردی" دیه ن رجب طیب اردوغان ، کسل آدام بوُلان اوروپانینگ چؤکۆپ باریاندیغینی نیغتادی.

أردوُغان "اوروپا مسئله سینه ۱۶-نجی آپریلدن سوُنگرا یانگاداندان قاراریس. من اوروپاداقی تۆرکلردن ایله سوُراغدا اولی قاتناشیغا قاراشیارین. شول یردأکی حالقیمیزا اؤرأن اولی ظلملار اتدیلر. بو ادنلری نینگ جزاسینی اولارا ۱۶-نجی آپریل دان سوُنگرا برریس" دیدی.

تۆرکیه ده ۱۶-نجی آپریل دان سوُنگرا دموکراسی نینگ موندان دا گۆیچلی بوُلجاقدیغینی آیدان اردوغان:

"آداملارا اؤز پیکرینگی دۆشۆندیرجه‌ک بوُلارسینگ اِمما نتیجه حالقینگ ایسله گیدیر. سس بریلشیکده اۆیتگه‌مه‌گی قابول ادن ده، اتمأن ده بیزینگ اۆچین حوُرماتلی آدامدیر" دیدی.