ییلدیریم: ایله سۇراغ بیلن وظیپه لر آنیق یاغدایدا کِسگیتلهنِر
بینالی ییلدیریم گچیریلجک ایله سۇراغ (رفراندوم) باراسیندا بیانات بردی
تۆرکیأنینگ باش وزیری بینالی ییلدیریم گۆن ترتیبی نینگ ایلری توتولیان اوغورلاری بارادا بیانات بردی.
باش وزیر ییلدیریم ۱۶-نجی آپریل دا گچیریلجک رفراندوم بیلن مجلیسینگ و جمهورباشلیغینگ وظیپه لری نینگ آنیق یاغدایدا کِسگیتلِنجهکدیگینی بِللهدی.
تۆرکیأنینگ باش وزیری "جمهورباشلیغینگ وظیپه سی یوردی دۇلاندیرماق. مجلیسینگ وظیپه سی بۇلسا قانون چیقارماق" دیدی.
بینالی ییلدیریم تلویزیون کاناللاری نینگ بیرینده ایزمیرده گچیریلن یؤریته گپله شیگه قاتناشیپ یاشلارینگ سۇراغلارینا جۇغاپ بردی.
مجلیسینگ قانون چیقارجاقدیغینی، اۇلاری یرینه یتیرمهک وظیپه سی نینگ بۇلسا جمهورباشلیقدا بۇلجاقدیغینی آیدان بینالی ییلدیریم "پرزیدنت شۇل ایشلری قارارنامالار بیلن بیرلیکده یرینه یتیرر. اساسی قانون بیلن یرینه یتیریلمهلی مسئله لر جمهورباشلیغینگ قارارناماسی نینگ چأگینده دأل. بیر مسئله ده قانون چیقان بۇلسا و شۇل بیر مسئله باباتیندا پرزیدنت قارارناما چیقاران بۇلسا اۇل یرده قانون یۇقاریدیر، قارارناما اؤز گۆیجۆنی قاچیرار" دیدی.
ییلدیریم تأزه اولغامدا باش وزیر وظیپه سی نینگ بۇلماجاقدیغینی حابار بردی.
تأزه اولغامینگ ایلالاشیغی گتیرجِکدیگینی آیدان ییلدیریم "رایات ایکی سانی سس برمهک حقوغینا ایه بۇلار. بیبرینجی مجلیسی سایلایار، یاغنی مجلیس وکیللرینی. ایکینجی بۇلسا جمهورباشلیغی سایلایار. شۇل سبأپلی حالق ایکی آیری ایغتیار بریأر. رایات مجلیسه سن قانون چیقارارسینگ، سایلان جمهورباشلیغیما گؤزهگچیلیک ادرسینگ، یالنگیش ادن حالاتیندا چأره گؤرهرسینگ دییأر. جمهورباشلیغا دا سن یوردی دۇلاندیرارسینگ، برن سؤزلرینگی دورموشا گچیررسینگ دییأر. تأزه اولغام وظیپه لری آنیق یاغدایدا کِسگیتلهیأر. حأضیرکی اولغامدا بۇلسا بو زاتلار یۇق" دیدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر