بینالی ییلدیریم: بیزی نصیحات ادن اوروپا ترورچیلیغا قۇلداو بریأر

تۆرکیأنینگ باش وزیری بینالی ییلدیریم کایسری شأهِرینده چیقیش اتدی.

ییلدیریم اوروپا یورتلاری نینگ پ. ک. ک و فت الله چی ترور قوراماسی یالی زیانلی گۆیچلره قۇلداو بریپ، تۆرکیأ زیان یتیریأندیگینی آیتدی.

باش وزیر ییلدیریم کایسری ده اؤنگده باریجی وکیللر و جمغیتچیلیک قورامالاری نینگ یۇلباشچیلاری بیلن دوشوشدی.

تۆرکیه‌ذه  ۱۶-نجی آپریل دا اساسی قانون اؤزگِرتمه اۆچین گچیریلجک رفراندومدا اوروپا یورتلاری نینگ آچ آچان تاراپ توتوپ، نتیجأنینگ یاراماز چیقماغی اۆچین یۇقاری تاغاللا ادیأندیگینی نیغتان ییلدیریم:

"شو گۆنکی گۆنده فتؤ، پ. ک. ک، داعش اوروپا و کأبیر یورتلار بِللی بیر ماقصات اۆچین بیرله‌شیپ قارشی کمپینینی آلیپ باریارلار. بو دیسه‌نگ گنگ قالدیریجی. یاغنی بو اساسی قانون اؤزگِرتمه اوروپالیلاری نأمه اۆچین قیزیقلاندیریار؟ اوروپالیلار بیزینگ رفراندومیمیزا سس برمه‌کچی می؟ بولار نأمه سبأپدن پ. ک. ک و فتؤنینگ تاراپینی توتیار" دیدی.

تۆرکیأنینگ اؤسمه‌گینی، گۆیچلِنمه‌گینی ایسله‌مه‌یأن أهلی تاراپلارینگ آلیپ باریان کمپینی نینگ چأکسیزدیگینی نیغتان تۆرکیأنینگ باش وزیری،

"سِر ادینگ اوروپا! آشاچی ترور قوراماسی نینگ یۇلباشچیسی نینگ پرتره لری کؤچه لرده. کؤچه لر پ. ک. ک نینگ، فتؤنینگ تاراپدارلاری بیلن دۇلی، سسینی چیقاریان یۇق. تۆرکیه‌دن، یوردونی سؤییأنلر بیلن دوشوشماق اۆچین گیدن حالق وکیللریمیزه، وزیرلریمیزه قاپیلار یاپیق. اوروپانینگ قیمماتلیلقلاری بارادا بیزه اِنچمه ییللاپ نصیحات برنلرینگ حاقیقی یۆزۆنی ینه ده بیر گِزِک گؤردۆک" دیدی.

باش وزیر، تۆرکیأنینگ دینگه بیر بؤلگه ده گۆیچلی بۇلماغی نینگ یترلیک دألدیگینی، گۆیجۆنی قۇراپ ساقلامالیدیغینا اۆنسی چکدی.

تۆرکیأنینگ تاریحینگ هر بیر دؤورۆنده استراتژیک اؤزبولوشلیغا ایه دیگینی نیغتان بینالی ییلدیریم:

"بو دیارلار دۆنیأنینگ اوغرونی اؤزگِزدن یرلر. بو واقالارینگ أهلیسی تۆرکیأنینگ قۇلاییندا باشدان گچیریلیأر. بو شرطلرده تۆرکیه گۆیچلی بۇلمالی. دوشمانلار مونگا گؤز یتیریأندیگی اۆچین هم تۆرکیأنینگ اؤنگۆنه بؤوِت باسماق ایسله‌یأرلر" دیدی.