حاتای دا سوریأنینگ ساواش اوچاری یره قاچدی

شنبه آغشامی تۆرکیأنینگ حاتای ولایاتینا سوریأنینگ رژیمینه دگیشلی بیر ساواش اوچاری قاچدی.

اوچارینگ نأ سبأپلی یره قاچاندیغی هنیز بِللی دأل.

سامان داغی شأهِرینه قوُلای بیر یرده قاچان اوچارینگ اوچارمانی تۆرکیه ده کِسِلحانادا بجرگی آستینا آلیندی.

تۆرکیأنینگ باش وزیری بینالی ییلدیریم نوشهیر ده قاچان اوچارینگ میگ قیسیملی اوچار بوُلاندیغینی و اوچارمانینگ ساغ یاغدایدا اوچاردان حالاص بوُلاندیغینی بیلدیردی.

ییلدیریم قیسغا مؤهلِتده اوچارینگ قاچان یرینه حالاص ادیش توُپارلاری نینگ ایبرلندیگینی آیتدی.

حاتای یینگ ولایات حأکیمی أردال آتا ت. ر. ت برن بیاناتیندا اوچارینگ شأهِرینگ ۸ کیلومتر گۆن باتاریندا یره قاچاندیغینی بیلدیردی.

اوچارمان ۹ ساغات بارلاغدان سوُنگ تاپیلدی.

سوریه لی بوُلان اوچارمان آلتین اؤزی شأهِری نینگ ژاندارماسینا ایبریلدی.

قاچان اوچارینگ اوچارمانی حاتای یینگ دؤولت کِسِلحاناسیندا بجرگی آستینا آلیندی.

اوچارینگ یکه اوچارمانلی بوُلاندیغی نیغتالدی.