اوباما أردۇغان بیلن تلفن آرقالی صؤحبِتدِشلیک گجیردی
آمریکانینگ یۇلباشچیسی تۆرکیهده بۇلان ترورچیلیقلی هۆجۆملر سبأپلی دویغوداشلیق بیلدیردی
تۆرکیأنینگ جمهورباشلیغی رجب طیب أردۇغان، آمریکانینگ یۇلباشچیسی باراک اوباما بیلن تلفن آرقالی صؤحبِتدِش بۇلدی.
اوباما تأزه ییل گیجه سی ایستامبول ینگ اۇرتا کؤی محله سینده، ۱۷-نجی دکابردا بۇلسا کایسری ده ادیلن ترورچیلیقلی هۆجۆملرده آرادان چیقانلار سبأپلی أردۇغانا دویغوداشلیق بیلدیردی و یارالیلار اۆچین شیپا دیلهدی.
دوشوشیقدا ایکی یۇلباشچی ترورچیلیق بیلن ساواش باراسیندا تۆرکیه و آمریکانینگ بیله لیکدأکی گؤرهشینینگ دۇوام اتجکدیگینه اۆنس چکدیلر.
آمریکانینگ باشلیغی سوریه ده اۇت آچیلشیغا بس ادیلشیگینگ یوردونگ هر یرینه بۇلوشی و رژیم بیلن محالیفلارینگ آراسیندا سیاسی دیالوگینگ باشلادیلماغی حاقیندا تۆرکیه بیلن بؤلگه دأکی آکتورلارینگ ادن ایشلری نینگ اولی بۇلاندیغینی نیغتادی.
عیراق و سوریه ده ترور قوراماسی داعش بیلن گؤرهش ده ادیلن سۇنگقی اؤنگه گیدیشلیکلر گپله شیگینگ بیله کی گۆن ترتیبیدی.
أردۇغان بیلن اوباما بو حاقدا تۆرکیه بیلن آمریکانینگ ایزی گیدرلی یاغدایدا حیذماتداشلیق اتمهلیدیگینه اۆنس چکدیلر.