چوقوراووادا بؤلگه آرا قۇنالغا قورالار

آدانانینگ چوقوراووا اترابیندا "چوقوراووا بؤلگه آرا قۇنالغا" قورالار.

مرسین و آدانا باشدا بۇلماق بیلن تؤوه‌رِکدأکی یرلره حیذمات برمه‌ک ماقصادی بیلن قورالجاق بو قۇنالغا دؤولت تاراپیندان سالینار.

ایچرکی و داشاری یورت ساپارلاریندا حیذمات برجک بو قۇنالغا آدانا- مرسین آراسیندا ایکی شأهِره یاقین یرده قورالار.

تۆرکیأنینگ اؤسۆش وزیری لطفی الوان، برن یازماچا بیاناتیندا چوقوراووا قۇنالغاسینی یاساجاق شرکتینگ بِلله‌نمه‌گی اۆچین اِتابینگ تاماملاناندیغینی بیلدیردی.

۷ مۆنگ آداما ایش مۆمکینچیلیگینی دؤره‌تجک تاسلاما بیلن ییللیق ۳۰ میلیون یۇلاغچا حیذمات برجک بو قۇنالغانینگ ایش بویرانی قاتناو، دنگیزچیلیک و آراقاتناشیق وزیرلیگی.

ایشی آلیپ بارجاق شرکت بۇلسا حازاریۇل و بوداق یۇل شرکتلری نینگ اۇرتاق قوران شرکتی.

بو قۇنالغا بو شرکتلر تاراپیندان ۲۲۴ میلیون ۸۷۴ مۆنگ تۆرک لیراسی بیلن قورالار.