ایستامبول: حیاناتچیلیقلی هۆجۆمده ۲۹ شهیت

ایستامبول دا پلیسلارا قورالان حیاناتچیلیقلی ۲ آیری هۆجۆمده ۲- سی یؤنه کی رایات، ۲۷-سی پلیس ۲۹ آدام شهیت بوُلدی.

ترورچیلیقلی هۆجۆمده ۱۶۶ آدام دا یارالاندی.

باش وزیرینگ اورونباساری نعمان قورتولموش، ایستامبول دا دۆین گیجه بیر فوتبال یاریشیندان سوُنگرا پلیسلاری هدپ آلان ترورچیلیقلی هۆجۆملردن بیرینده بمبالی اولاغ (ماشین) اولانیلاندیغینی، ۴۵ ثانیه سوُنگرا دا بیر اؤزۆندن گچمه‌لیک هۆجۆمچی نینگ ایکینجی هۆجۆمی قوراندیغینی نیغتادی.

قورتولموش "اولی بیر دردیمیز بار. اِمما میللی جبیسلیگیمیز و ترورچیلیغا قارشی میللی دویغولاریمیزی قوراماغا مجبوردیرس" دیدی.

حالقارا جمغیتچیلیگی ده سؤزلرینی اۆیتگه دیپ باشغا زاتلاری آیتمانی، ترورچیلارا قارشی تۆرکیأنینگ یانیندا یر آلماغا چاغیران قورتولموش، تۆرکیأنینگ بۆتین ترور قورامالارینا بوُیون اگدیرجِکدیگینی بیلدیردی.

تۆرکیأنینگ ایچری ایشلر وزیری سلیمان سوُیلو دا ایستامبول داقی هۆجۆمینگ ترورچیلیغا قارشی دوُوام اتدیریلن گؤره‌شه پأسگِل بردیرمه‌ک اۆچین قورالاندیغینی نیغتادی.

سوُیلو شو واغتا چنلی واقا بیلن باغلانشیقلی ۱۰ آدامینگ گؤز توسساغلیغینا آلیناندیغینی آیتدی.