آق دنگیزده تۆرگِنله شیک گچیرلر

تۆرکیأنینگ یر ایه چیلیگینده آق دنگیزده (مدیترانه دنگیزینده) قورالان بالن ۲۰۱۶ تۆرگِنله شیگینه قاتناشان پأکیستان ینگ پی ان اس عالمگیر آدلی ساواش گأمیسی ژورنالیستلارا قاپیسینی آچدی.

پأکیستان ینگ دنگیز گۆیچلرینه دگیشلی پی ان اس عالمگیر گأمیسی موغلانینگ مارماریس اترابینداقی آق ساز دنگیز مرکزینده قالیار.

پأکیستان ینگ دنگیزیاقا حۇوپسوزلیق گۆیچلری نینگ باشلیغی وسام اکرم، تۆرکیأنینگ یر ایه چیلیگیندأکی بیر تۆرگِنله شیگه قاتناشانلاری اۆچین اؤرأن بویسانچ دوییاندیغینی آیتدی.

"بیز تۆرکیأنی ایکینجی واطانیمیز حؤکمۆنده گؤریأریس. تۆرکیه پأکیستانلیلار اۆچین اؤرأن أهمیتلی. من اؤزۆم تۆرکیه ده ساپاق آلدیم. شۇنونگ اۆچین تۆرکیأنی آیراتین سؤییأرین" دیه ن پأکیستانلی ژنرال، تۆرکیأنینگ جمهورباشلیغی رجب طیب أردۇغان ینگ پأکیستانا قوران ساپاری نینگ أهمیتینه اۆنس چکدی و شۇل زیاراتینگ ایکی یوردونگ قاتناشیقلارینا اولی قۇشانت قۇشجاقدیغینی سؤزلرینه قۇشدی.

پأکیستان ینگ دنگیز گۆیچلری نینگ ۲۵-نجی یۇق ادیجی تۇپارینا دگیشلی بۇلان پی ان اس عالمگیر ساواش گأمیسی تۆرکیأ ۳-نجی گِزِک گلیأر.

۱۳۸ متر اوزینلیغی، ۱۴.۴ متر اینی بۇلان بو گأمی Z۹EC دیک اوچارینی داشایار و ۲۰۰ عسگر بو گأمیده حیذمات ادیأر.