ت. ر. ت ورلد دابارالی یاغدایدا تانیشدیریلدی

أردۇغان: ت. ر. ت ورلد تۆرکیأنینگ دۆنیأ آچیلان پنجیره سی بۇلجاقدیغینا اینانیارین

ت. ر. ت ورلد دابارالی یاغدایدا تانیشدیریلدی

تۆرکیأنینگ انگلیس دیلینده یایلیم بریأن ایلکینجی حالقارا حابار کانالی ت. ر. ت ورلد آنکارادا جمهورباشلیق کؤشگۆنده دابارالی یاغدایدا تانیشدیریلدی.

ت. ر. ت ورلدینگ تادیشدیریش گیجه سینه صونغاتچیلار، داشاری یورتلارینگ وکیللری، اسپورتچیلار و صونغات اوسساتلاری بیلن بیرلیکده ت. ر. ت نینگ ایشگأرلری قاتناشدی.

میهمانلار ایلکی ت. ر. ت نینگ تانیشدیریلیش فیلمینی تۇماشا اتدی، ت. ر. ت- نینگ باش مۆدیری نینگ اۇرونباساری ابراهیم ارن ت. ر. ت ورلد حاقیندا گینگیشله یین ماغلومات بردی.

فت الله چی ترور قوراماسی (فتؤ) تاراپیندان ۱۵-نجی ایول دا قورالان آغدارلیشیق سینانشیغیندا ت. ر. ت ورلدینگ برن یایلیملاری حاقیندا قیسغا مستند (دوکومنتال) فیلم گؤرکِزیلدی.

تۆرکیأنینگ جمهورباشلیغی رجب طیب أردۇغان، تانیشدیریلیش گیجه سیندأکی چیقیشینا "ت. ر. ت و ت. ر. ت ورلدینگ ماشغالاسینا یایلیملاریندا اۆستۆنلیک آرزوو ادیأرین" دییپ باشلادی.

ت. ر. ت ورلد ینگ اؤز اوغری بۇیونچا اساسی بۇشلوغی دۇلدورجاقدیغینا اینانیارین دیه ن أردۇغان، "ت. ر. ت ورلدینگ شیغاریندا بیان ادیشی یالی حاقیقاتدان هم تۆرکیأنینگ دۆنیأ آچیلیان پنجیره سی بۇلجاقدیغینا اینانیارین. ت. ر. ت ورلدینگ تأزه دیل بیلن حکایانی یانگاداندان دۆشۆندیرمه‌ک، میکروفونی و کامرانی (دوربینی) گؤرۆلمه‌یأنلره اوزاتماق ماقصادینا اولی قۇلداو بریأرین" دیدی.

فِتؤنینگ آغدارلیشیق سینانشیغی نتیجه لی بۇلان حالاتیندا داشاری یورتلی حابار بریش سریشده لری نینگ آغدارلیشیغی قانونی گؤرکِزمه‌ک اۆچین ایشه گیریشجکدیگینه اۆنس چکن أردۇغان، داعشه قارشی گؤره شیأن، یۆزلرچه رایاتینی شۇل قورامانینگ قان دؤکۆلشیکلی هۆجۆملرینده ییتیرن تۆرکیأنینگ شۇل مدیا قورامالاری نینگ قارا پروپاگانداسی یاغدایینا گلِندیگینه اۆننسی چکدی.

پرزیدنت أردۇغان ت. ر. ت ورلدا اولی جۇغاپکأرچیلیگینگ دۆشیأندیگینی آیراتین بِلله‌دی.

باش وزیرینگ اۇرونباساری نعمان قورتولموش هم ت. ر. ت نینگ ۱۳ تلویزیون کانالی، ۱۶ رادیو کانالی، ۵ ژورنالی، ۴۱ دیلدأکی وب و رادیو یایلیملاری، ۱۳ یورتداقی وکیلحانالاری بیلن تۆرکیأنینگ رادیو و تلویزیون قوراماسی حؤکمۆنده پارلایان ییلدیز بۇلماغا دۇوام ادیأندیگینی آیتدی.

ت. ر. ت نینگ باش مۆدیری شنۇل گؤکا هم یایلیم استراتژیسی بارادا دوروپ گچدی.

شنول گؤکا تۆرکیأنینگ و تۆرک اینسانی‌نینگ سسینی دینگه انگلیس دیلینده دأل، ایسه‌م باشغا دیللرده هم بۆتین دۆنیأ یتیرمه‌ک ایسله‌یأندیکلرینی آیتدی.



دِگیشلی حابارلار