ییلدیریم عیراق و سوریأنینگ حؤکۆمِتلرینی ترورچیلیغا قارشی گؤرهشده ایغتیارلی بۇلماغا چاغیردی
بینالی ییلدیریم: عیراقدا و سوریهده باشدان گچیریلیأن دورنوقسیزلیق اساسان تۆرکیأ زیان یتیریأر
تۆرکیأنینگ باش وزیری بینالی ییلدیریم ایستامبول تکنیک بیلیم یوردونینگ تأزه اۇقوو ییلینینگ آچیلیش داباراسینا قاتناشدی.
دمشق و بغداد حؤکۆمِتلرینه یۆزلِهنِن ییلدیریم "ترور قورامالارینی، یوردونگیزینگ مسئله لرینه چؤزگۆت گتیرمهجِک گۆیچلره یۇل برمأگه دۇوام ادن حالاتینگیزدا تۆرکیه البتده سرحِتلرینی قۇراماق، ترورچیلیغا قارشی گؤرهشمهک و رایاتلارینینگ حۇوپسوزلیغینی اۆپجۆن اتمهک اۆچین دگیشلی چأرهلر گؤرِر، گؤرمأگه ده حاقی بار" دیدی.
سۇنگقی ییللاردا عیراقدا و سوریهده باشدان گچیریلیأن دورنوقسیزلیغینگ اساسان تۆرکیأ زیان یتیریأندیگینی یاتلادان ییلدیریم:
"قیسنانساغام، بؤلگه بیلن فیزیکی و کؤنگۆل باغلانشیغی بۇلمادیق کؤپ سانلی یورت اۇل یرده کأبیر ایشلری آلیپ باریارقا بؤلگهده یرلهشیأن دؤولتلرینگ سسی اۆنسی چیقمایار. اِمما بو دورنوقسیزلیغینگ باش باشداقلیغینگ جریمهسینی چکیأن تۆرکیأنینگ مسئله بیلن قیزیقلانماغیندان بینجالیق بۇلیانلارینگ باردیغینی گؤریأریس. اۇلار ایلکی اؤز یورتلارینا ایه چیقسینلار. ایلکی سیز اؤز یوردونگیزدا یاشایان أهلی رایاتلارینگیزا ایه چیقینگ، اۇلاری قۇرانگ، دؤولت بۇلونگ، اۇندان سۇنگ تۆرکیأ سؤز آیدینگ. اگر شیله بۇلماسا آیدیان سؤزلرینگیز گۆلکۆنچ بۇلار" دیدی.
ترورچیلیغا قارشی گؤرهشینگ تۆرکیهده دؤنۆکلرینگ أهلیسینی یۇق ادیلیأنچأ دۇوام اتجکدیگینتی و تروردان مدد طاما ادیأنلرینگ سۇنگقی دمینه یتندیگینی نیغتان ییلدیریم:
"ترورچینینگ موقاددس ساییان زادی یۇق. آداملاری پرواسیزلیق بیلن اؤلدۆریأر. دۇغروسینی آیدانیمیزدا ترورچیلیغا قارشی گؤرهش یوردومیزینگ یانگی گؤریأن زادی دأل. ۴۰ ییلا قۇلای واغت بأری گؤرهشیأر. حأضیرکی واغتدا بۇلسا دینگه بیر باشبۇزار ترور قوراماسی دأل، شۇل بیر واغتدا فت الله چی ترور قوراماسی فتو و داعش بیلن اگیلشیکسیز گؤرهشیمیز دۇوام ادیأر." دیدی.
دِگیشلی حابارلار
![پ. ک. ک نینگ اۆچ ترورچیسی تأثیرسیز یاغدایا گتیریلدی](http://cdn.trt.net.tr/images/medium/rectangle/0283/4eed/bbde/646b6ebc42899.jpg?time=1719054253)
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر