أردۇغان: سوریهده ۵۰۰۰ اینهدؤردۆل کیلومتری ترورچیلاردان تمیزلهمهک ایسلهیأریس
قطرینگ روتانا تلویزیون کانالینا بیانات برن تۆرکیأنینگ جمهورباشلیغی بؤلگهدأکی سۇنگقی یاغدایلار باراسیندا قاراییشلارینی بیان اتدی
![أردۇغان: سوریهده ۵۰۰۰ اینهدؤردۆل کیلومتری ترورچیلاردان تمیزلهمهک ایسلهیأریس](http://cdn.trt.net.tr/images/xlarge/rectangle/208d/cf12/e17f/57f1d311837c8.jpg?time=1719276605)
تۆرکیأنینگ جمهورباشلیغی رجب طیب أردۇغان سوریأنینگ دمیرقازیغیندا اوچوشینگ قاداغان ادیلن حۇوپسوز بیر بؤلگه دؤرهتمهک اۆچین ۵ مۆنگ اینه دؤردۆل کیلومتری تروردان تمیزلهمهگی ماقصات ادینیأندیکلرینی آیتدی.
قطرینگ روتانا تلویزیون کانالینا بیانات برن تۆرکیأنینگ جمهورباشلیغی بؤلگهدأکی سۇنگقی یاغدایلار باراسیندا قاراییشلارینی آیتدی.
سوریهده عیلیملی محالیفلار بیلن حیذماتداشلیق ادیلیپ حرکت ادیلیأندیگینی آیدان أردۇغان، فیرات قالقانی حرکتی بیلن ترور قوراماسی داعش دن آلینان جرابلس شأهِرینه ۳۰-۴۰ مۆنگ آدامینگ قایدیپ باراندیغینی آیتدی.
رجب طیب أردۇغان "موصل موصلداقی یاشاییجیلارینگ، تلعفر ده تلعفر یاشاییجیلارینینگ شأهِریدیر. هیچ کیمینگ شۇل یره گلیپ گیرمأگه حاقی یۇق. موصل ینگ ترور قوراماسی داعش دن آلینماغیندان سۇنگرا شۇل یرده دینگه سنی عاراپلار، تۆرکمنلر و سنی کۆرتلر قالمالیدیر" دیدی.
"بۇسغون دۇغانلاریمیز اۆچین ۱۲.۵ میلیارد دلار حارجادیق، بو بیزینگ انسانلیق بیلن باغلانشیقلی وظیپأمیزدیر" دیهن أردۇغان گۆنباتارینگ جۇغاپکأرچیلیگیندن قاچیاندیغینی، حالقارا قورامالارینگ سوریهلی بۇسغونلار اۆچین دینگه ۵۲۰ میلیون دلار حارجاندیغینی آیتدی.
تۆرکیأنینگ جمهورباشلیغی، سوریهده ۶۰۰ مۆنگ رایاتینی اؤلدۆرِن بشار اسدینگ وظیپهسینی تاشلامالیدیغینی بیلدیردی و اۇنونگ یرینده قالماغینینگ مۆمکین بۇلماندیغینی سؤلرینه قۇشدی.
أردۇغان بۆتین تاسلامالارینگ اسلام عألمینه قارشی ادیلیأندیگینی، شو سبأپلی اسلام یورتلارینینگ بیری بیری بیلن حیذماتداشلیق اتمهگینینگ و جبیس بۇلماغینینگ ضروردیغینی آیتدی.
رجب طیب أردۇغان مصر- تۆرکیه آراسینداقی قاتناشیقلارینگ عاداتی یاغدایا گلمهگی اۆچین آغدارلیشیق بیلن وظیپهسیندن بۇشادیلان مصرینگ اۇزالقی جمهورباشلیغی محمد مرسی بیلن بۆتین آغدارلیشیغا قارشی بۇلانلارینگ ارکینلیگینه قۇشوریلماغینا باغلی بۇلاندیغینی بیلدیردی.
دِگیشلی حابارلار
![تۆرکیه ده 9 گۆنده 1.1 میلیون توریست موزه لره باریپ گؤردی](http://cdn.trt.net.tr/images/medium/rectangle/8b81/efa7/207b/66795acad7eb6.jpg?time=1719276605)
تۆرکیه ده 9 گۆنده 1.1 میلیون توریست موزه لره باریپ گؤردی
ایزمیرینگ افس آنتیک شهری 129 مۆنگ 987 توریست تاراپیندان گؤرۆلدی
![پ. ک. ک نینگ اۆچ ترورچیسی تأثیرسیز یاغدایا گتیریلدی](http://cdn.trt.net.tr/images/medium/rectangle/0283/4eed/bbde/646b6ebc42899.jpg?time=1719276605)
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر