تۆرکیأنینگ جمهورباشلیغی غازی آنتپ دأکی هۆجۆمی برن یازغاردی
تۆرکیأنینگ جمهورباشلیغی رجب طیب أردۇغانینگ مؤهۆم بیاناتی
تۆرکیأنینگ جمهورباشلیغی رجب طیب أردۇغان تۆرکیأ گۆیچلری یتمهیأنلرینگ اتنیکی و مذهپچیلیک بیلن تۆرک رایاتلارینی بیری بیرینه قارشی اؤجۆکدیرمأگه سینانشیانلارینگ سناریولارینینگ باشا بارماجاقدیغینی بِللهدی.
غازی آنتگ شأهِریندأکی ترورچیلیقلی هۆجۆمی برک یازغاریان أردۇغان شهیت بۇلان آداملارا آللهدان رحمت، دۇغان قارینداشلارینا قینانچ بیلدیردی.
تۆرکیأنی نیشانا آلیان ترور قورامالارینینگ آراسیندا تاپاووت یۇقدیغینی آیدان أردۇغان "ینه ده بیر گِزِک یوردومیز و میللتیمیز اۆۇچین ۱۵-نجی ایولداقی آغدارلیشیق سینانشیغینینگ و شۇل گۆن گیجه اؤلِن ۲۴۰ رایاتیمیزینگ جۇغاپکأری فت الله چی ترور قوراماسی بیلن دینگه سۇنگقی ۱ آیدا عسگرلردن، پلیسلار و اۇبالارینگ قۇراغچیلاریندان عیبارات ۷۰ حۇوپسوزلیق گۆیجۆمیزینگ قانحۇری ترور قوراماسی پ. ک. ک بیلن و غازی آنتپ هۆجۆمینینگ أحتیمال جۇغاپکأری ترور قوراماسی داعش ینگ آراسیندا هیچ حیلی تاپاوودینگ یۇقدیغینا اۆنسلری چکمهک ایسلهیأرین" دییپ نیغتادی.
ترور قورامالارینینگ و اۇلارینگ آرقاسینداقی گۆیچلرینگ ماقصادینا یتمهجِکدیگینی آیدان تۆرکیأنینگ جمهورباشلیغی "بو قورامالاری بیزینگ یوردومیزینگ و میللتیمیزینگ اۆستۆنه هۆجۆم قوراتدیریانلارا قارشی برجک یۆزلِنمأمیز: ماقصادینگیزا یتیپ بیلمِرسینگیز! تۆرکیهده آذانلارینگ سسلرینی آییرماغا، بایداغی آشاق ایندیرمأگه، واطانی بؤلمأگه، میللتیمیزی بؤلهک، بؤلهک اِتمأگه، اۇل الی قانلی قورامالارینگ و آرقالارینداقی گۆیچلرینگ دمی و صابری هم یتمِز" دییپ مألیم اتدی.
غازی آنتپ ده قورالان منگزش حیاناتچیلیقلی اۇیونینگ شۇولی بۇلماجاقدیغینا اۆنسی چکن أردۇغان تۆرکیأ گۆیچلری یتمأنی اۆچین اتنیکی و مذهپچیلیک بیلن تۆرک رایاتلارینی بیری بیرینه قارشی اؤجۆکدیرمأگه سینانشیانلارینگ سناریولارینینگ باشا بارماجاقدیغینی بِللهدی.
"جبیسلیگیمیزی، آغزیبیرلیگیمیزی قۇراپ ساقلاماق آرقالی بو ترور بلاسینا قارشی بیلهلیکده گؤرهشمهلی" دیهن تۆرکیأنینگ جمهورباشلیغی تۆرکیأنینگ ۱۵-نجی ایولدا بۇلشی یالی میللت بیلن اِگین اِگینه ترور بلاسینینگ عهدهسیندن گلجِکدیگینی نیغتادی.
أردۇغان جو بایدنینگ ساپاری و فت الله چی ترور قوراماسی پارالل دؤولت اولغانینینگ ۱۵-نجی ایولدا قوران آغدارلیشیق سینانشیغینینگ یۇلباشچیسی فت الله گۆلن ینگ ایزینا بریلمهگی بیلن باغلی سۇراغلارا دا جۇغاپ بردی.
فت الله چی ترور قوراماسی بیلن باغلی ۸۵ قوطی دِلۇنی آمریکا اوغراداندیقلارینی بیان ادن أردۇغان، آمریکالی یۇلباشچیلارینگ دِلونلاری سلجِرمأگه باشلاندیقلارینی آیتماثلارینینگ قاناغاتلاندیریجی بۇلماندیغینی آیتدی و جنایاتچیلارینگ ایزینا بریلمهگی باراداقی ایلالاشیغینگ برجای ادیلمهگینه قاراشیاندیقلارینی، بو باراسیندا دا آمریکانینگ یۇلباشچیسینینگ اۇرنباساری جو بایدنه آچ آچان آیتجاقدیغینی نیغتادی.
"بیز شو گۆنکی گۆنه چنلی آمریکانینگ بیزدن سۇراغ، ایسلأن جنایاتکأرلری بارادا بیزه دیللناما اوغرادینگ سۇنگ برریس دیمهدیک" دیهن تۆرکیأنینگ جمهورباشلیغی، ایسلهنِن ترورچیلاری برِندیکلرینه اۆنسی چکدی.
