اوروپانینگ پایتاغتیندا ترور داباراسی
بلژیکینگ باشوزیری "تۆرکیهدأکی دارتغینلیقلارینگ بلژیکینگ گۆنترتیبینه گتیریلمهگینی قابول اتمهجِکدیگینی" اؤنگه سۆرۆپدی
بلژیک پ. ک. ک نینگ تاراپدارلارینینگ قورامانینگ ایلکینجی قان دؤکۆشیکلی هۆجۆمینینگ ۳۲-نجی ییللیغینینگ بِللهنیلیپ گچیلمهگینه روغصات بردی.
بلژیک آیرالیقچی ترور قوراماسی پ. ک. ک نینگ تاراپدارلارینینگ قورامانینگ ۱۹۸۴-نجی ییلینگ ۱۵-نجی آگوستیندا ایلکینجی قان دؤکۆشیکلی هۆجۆمینینگ ۳۲-نجی ییللیغینینگ بِللهنیلیپ گچیلمهگینه روغصات بردی.
ترور قوراماسینینگ تاراپدارلاری پایتاغت بروکسلده اسپانژپلینگ میدانیندا ترور قوراماسینینگ ۱۹۸۴-نجی ییلدا سیرت ولایاتینینگ اروح و حکاری ولایاتینینگ شمدینلی اترابیندا ۲ عسگرینگ شهیت بۇلان ایلکینجی هۆجۆمینی دابارالی یاغدایدا بللأپ گچدی.
یؤریشده ترور قوراماسینینگ سمبللارینینگ گؤتِریلمهگینه روغصات بریلدی و یؤریشه قاتناشانلار ترورچیلارینگ یۇلباشچیسی عبدالله اوجالانینگ بۇشادیلماغینی ایسلهدی.
پلیسینگ بیروغصات یاغدایدا گچیریلِندیگینی آیدیاندیغینا قارامازدان یؤریش ۳ ساغات دۇوام اتدی.
بلژیکلی یۇلباشچیلار فت الله چی ترور قوراماسی پارالل دؤولت اولغامی فتو/ پ. د. ی نینگ ۱۵-نجی ایولداقی آغدارلیشیغا سینانشیغینا قارشی یؤریش قورالماغینا روغصات برمأندی.
بلژیکینگ باشوزیری چارلز میشل "تۆرکیهدأکی دارتغینلیقلارینگ بلژیکینگ گۆنترتیبینه گتیریلمهگینی قابول اتمهجِکدیگینی" اؤنگه سۆرۆپدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی