قالین ۱۵-نجی ایولداقی واقالار بیلن باغلانشیقلی بیانات بردی
ابراهیم قالین: دیکتاتورلیغا قارشی گؤره‌ش آدی بیلن آغدارلیشیق اتجِک بۇلدولار، میللت روغصات برمه دی
تۆرکیأنینگ جمهورباشلیق دیوانی‌نینگ اۇرونباساری و مطبوغات گنگه‌شچیسی ابراهیم قالی نفت الله چی ترور قوراماسی پارالل دؤولت اولغامی‌نینگ ۱۵-نجی ایولداقی آغدارلیشیق سینانشی بیلن باغلانشیقلی سوسیال مدیا آرقالی بیانات بردی.
توئیتردن بیانات برن قالین "ایکی ییل بأری ایشجِنگ یاغدایدا اۇرتا آتیلماغا سینانشیلیان اتوریتاریزم و دیکتاتورلیق سؤزلری‌نینگ ماقصادی حاربی آغدارلیشیغینگ اؤنگۆنی آچماقدی. میللت شۇل اۇیونینگ عهده‌سیندن گلدی" دیدی.
اتوریتاریزم و دیکتاتورلیق سؤزلرینی یایرادانلارینگ شۇل بیر واغتدا آغدارلیشیق سینانشیغینا گؤنۆدن یادا آیلاولی قۇلداو بریأن آداملاردیغینی آیدان ابراهیم قالین اۇنونگ بیر تأتأنلیک دألدیگینی نیغتادی.
قالین "آغدارلیشیغا سینانشیق شۇولی بۇلان بۇلسادی، دیکتاتورلیغا قارشی یاراغلی آغدارلیشیق ادیلدی، دلیللری بار دیه‌ردیلر. مصردا ادیشلری یالی. میللت مونگا روغصات برمه‌دی" دییپ بِلله‌دی.
