أردۇغان: بو میللتینگ گؤنِزلیگی بِرکدیر
تۆرکیأنینگ جمهورباشلیغی حالقینگ دموکراسیا ایه چیقانی اۆچین اۇلارا مینتدارلیق بیلدیردی
تۆرکیأنینگ جمهورباشلیغی رجب طیب أردۇغان شهیتلری یاتلاما و دموکراسی میتینگینده میلیونلارچا تۆرک رایاتینا چیقیش اتدی.
چیقیشینا "۱۵-نجی ایول گیجهسی واطانینی فتو- آ جان باهاسی بیلن تسلیم اتمهیأن میللتیمه مینتدارلیغیمی بیلدیریأرین" دییپ باشلایان أردۇغان "گؤیأ اؤلۆمی اؤلدۆردیلر" دییپ ۲۴۰ شهیدی ینه بیر گِزِک یاتلادی.
"بو میللت مۆنگ ییل اۇزال ملازگرد ده آناتولینینگ قاپیلارینی هایسی اینام بیلن آچان بۇلسا ۱۵-نجی ایولدا د اینه شۇل اینام بیلن حرکت اتدی" دییپ نیغتان أردۇغان "شۇل گۆن تۆرکیأنینگ ییقیلماغینا قاراشیان دوشمانلار ایشلرینینگ اؤرأن قین بۇلاندیغینی گؤردی" دیدی.
ینی قاپی میندانینگداقی پانورامانینگ هم دوشمانلارا آزیندان ۱۶-نجی ایول ارتیریندأکی یالی هیرچینی دیشلهدِندیگینی نیغتان پرزیدنت أردۇغان، بو پانورامانینگ گلجگه ایه چیقماغینگ جارناماسی و ثبوتناماسی بۇلاندیغینی آیتدی.
"ایندی دؤورهباپ مدنیتلرینگ درجهسیندن یۇقاری چیقماغینگ واغتی گلدی" دیهن أردۇغان، تۆرک میللتینینگ بو پانوراما بیلن جبیسلیگینگ و آغزیبیرلیگینگ دینگه شیغاردان عیبارات بۇلماندیغینی، گِرِک بۇلان حالاتیندا ایش یۆطۆنه گچیأندیگینی ثبوت ادِندیگینی، مونگا بویسانیاندیغینی آیتدی.
آتاتۆرکینگ ۱۹۲۰-نجی ییللاردا دوشمانلارینگ بسیپآلیجی هۆجۆملرینده تۆرک میللتینگ اۇنی آصلا قابول اتمهجک درجهده بـِییکدیگینی آیداندیغینی یاتلادان أردۇغان "قاهریمان مصطفی کمالدان ۹۶ ییل سۇنگ ینیقاپی میدانیندا من هم قیاتالاماق ایسلهیأرین: بو میللت یسیرلیگی قابول اتمهز" دیدی.
حیاناتچیلیقلی آغدارلیشیغا سینانشیقدا جونتاچیلارا قارشی دوراندیغی اۆچین کِله سی بدنیندن قۇپاریلان زنانا جسدینینگ تاپیلاندیغینی یاتلادان تۆرکیأنینگ جمهورباشلیغی، بو دؤنۆکلره اؤلۆم جزاسینینگ بریلمهگینی ایسلهیأن حالقینگ ایسلهگینینگ مجلیسده سلجلریلجِکدیگینی، هؤدۆرلهنِن حالاتیندا اؤزۆنینگ هم تاصصیقلاجاقدیغینی نیغتادی.
فتونینگ تۆرکیأ آبانیان حۇوپونینگ گؤرۆنیأن اۇناتغیسیدیغینی بِللأپ گچن پرزیدنت أردۇغان، تۆرک یاراغلی گۆیچلریندن قاضیهته، پلیس قوراماسینا، مکدپلره، کسلحانالارا چنلی سینگِن أهلی قورامالارینگ آدی پ. ک. ک یادا داعش هم بۇلسا تۆرک میللتینینگ دوشماندیغینی، اۇلارینگ حقوقی چأکده یۇق ادیلجِکدیگینی آیتدی.
أردۇغان بو جبیسلیک و آغزیبیرلیک دویغوسیندان بیر باشلانغیجا اؤورۆلمهلیدیگینی نیغتاپ فتونینگ یاقین تاریحدا سبأپ بۇلان أهلی واقالارینگ یانگاداندان سلجریلمهلیدیگینی آیتدی.
۱۵-نجی ایولدان بأری ۸۰ میلیون رایاتینگ بیر یۆرهگه، بیر سسه اؤورۆلهندیگینی یاتلادان أردۇغان، شو گۆن ینی فایپدا بایداغینگ جبیسلشدیریجی گۆیجۆنینگ آستیندا جِملهنِندیگینی، شۇل گۆندن بأری توتولیان دموکراسی تۇباتینینگ چارپایا قالاندیغینی نیغتادی.
"شۇل گیجه مینارالاردان آذانلار- صلالار گؤتریلدی" دیهن أردۇغان بو میللتینگ گؤنِزلیگینینگ برکدیگینی هِممهلرینگ قابول اتمهلیدیگینه اۆنسی چکدی.
أردۇغان سؤزلرینی "عزیز میللتیمه مینتدارلیق بیلدیریأرین" و "ینگیش مییلینگکی، میدان میللتینکی دیهندیگینگیز اۆچین ساغ بۇلونگ" دییپ تاماملادی.
دِگیشلی حابارلار
دمیرقازیق عیراق دا 5 ترورچی تأثیرسیز یاغدایا گتیریلدی
ترور قوراماسی پ. ک. ک نینگ 5 ترورچیسی تأثیرسیز یاغدایا گتیریلدی
هاکان فیدان قطر و سعودی نینگ داشاری ایشلر وزیرلری بیلن دوشوشدی
تۆرکیأنینگ داشاری ایشلر وزیری ریاض دا قطر و سعودی نینگ داشاری ایشلر وزیرلری بیلن دوشوشدی