فتو نینگ پ. ک. ک، پ. ی. د و داعش یالی قورامالار بیلن حیذماتداشلیغی یۆزه چیقماغا باشلادی
تۆرکیأنینگ جمهورباشلیغی رجب طیب أردوُغان ت. ر. ت تلویزیون کانالینا مؤهۆم بیانات بردی
تۆرکیأنینگ جمهورباشلیغی رجب طیب أردوُغان ۱۵-نجی ایول دا فتولله چی ترور قوراماسی پارالل دؤولت اولغامی (فتو/ پ. د. ی) نینگ حیاناتچیلیقلی آغدارلیشیغا سینانشیغینی ادن گیجه سی و بولان واقالار حاقیندا ت. ر. ت نینگ تلویزیون کانالینا بیانات بردی.
رجب طیب أردوُغان واقانی داماتلاریندان حابار آلان ماحالی کاناللاردان حالقا "آیاغا قالینگ و میدانلاری دوُلدورینگ" چاغیریشی برندن سوُنگ قیسغا مؤهلتده اۆیتگشمه بوُلاندیغینی آیتدی. أردوُغان سونگ بولسا آغدارلیشیقچیلارینگ اف-۱۶ لاری نینگ بینجالیق بریأنی حوُوپلی بیر یولاغچیلیق بیلن ایستامبولا باراندیغینی بیلدیردی.
تۆرکیأنینگ جمهورباشلیغی رجب طیب أردوُغان فتح الله چی ترور قوراماسی پارالل دؤولت اولغامی فتو/ پ. د. ی نینگ آیرالیقچی ترور قورامالاری پ ک ک، سوریه دأکی قوُلی پ. ی. د و داعش یالی ترور قورامالاری بیلن ادیأن حیذماتداشلیغی نینگ یۆزه چیقماغا باشلاندیغینی مألیم اتدی.
اردوغان بو اتاپدا شول واغت یانیندا بوُلان عایالی نینگ، قیزی نینگ و گیوهسینینگ اؤزلرینی مرت آلیپ باراندیغینی و دینگه یاشلاری کیچی بوُلاندیغی اۆچین آغتیقلارینی واغتال واغتال کؤشِشدیرِندیگینی بِللهدی.
۲۰۱۰-نجی ییلدان بأری فتولله چی ترور قوراماسی نینگ نأحیللی درجه ده اولودیغینی، اؤزلریندن باشغا آداملارا یاشاماق اۆچین مۆمکینچیلیک برمهیأندیکلرینی آیدان أردوُغان ۱۵-نجی ایولدا آغدارلیشیق سینانشیغی بارادا حابار آلاندان سوُنگ گۆنأکأرلرینگ شوُل قورامانینگ آغضالاریدیغینی گؤنی بیلِندیگینی نیغتادی.
پرزیدنت أردوُغان بو قورامانینگ آغضالاری نینگ تۆرکیأنینگ یاراغلی گۆیچلریندن و دؤولتینگ بیله کی قورامالاریندان صاپلانماغا باشلاندیغینی بِللأپ، حقوغا ترس حرکت اتمهجِکدیکلرینی، اِمما هیچیسینه رحملیک ادیلمِهجِکدیگینی یوُغسام شهیتلره و یارالانانلارا حیانات ادیلن یالی بوُلجاقدیغینی آیتدی.
فتونی سرطانینگ اؤیجۆکلرینه مِنگزهدن أردوُغان حوُوپی دوُلی یاغدایدا آییرماق اۆچین شوُل سرطان ینگ اؤیجۆکلری نینگ دوُلولیغینا آیریلماغینینگ مؤهۆمدیگینه اۆنسی چکدی.
تۆرکیأنینگ جمهورباشلیغی ۱۵-نجی ایولدا میدانلارا ایه چیقان، جانلارینی قایغیرمان شهیت بوُلان رایاتلارینگ ماشغالالاری نینگ یایلیم واغتی ایبرن حاطلارینی گؤز یاشلاری بیلن دینگلهدی.
أردوُغان گۆنباتار یورتلارینگ هیچ بیرینینگ انتهک گلیپ بو یرده نأمه بوُلاندیغینی گؤرمأندیگینی یاتلادیپ "بو یوردی اؤزۆنگیزه گؤرأ اوغروقدیریپ بیلمهرسینگیز، بؤلهکلِره آییریپ بیلمهرسینگیز. میللی ایغتیاری دوزدوریپ بیلمهرسینگیز" دیدی.
گون باتارینگ تۆرکیأنینگ گۆیچله نمه گینی، اؤزۆنه یترلیک درجه ده بوُلماغینی ایسلهمهیأندیگینی آیدیپ بولار یالی اِتاپدا اؤزۆنه جانگ ادِنلرینگ ۱۵-نجی ایول داقی ۲۳۹ شهیت بارادا دوروپ گچمأن، گؤز توسساغلیلار و وظیپهدن قیرالاشدیریلانلار بارادا آلادا بیلدیرمهکلِرینه برک رِآکسیا گؤرکِزدی.
۲۰۲۳-نجی ییلا ایناملی أدیملر بیلن بارماقلارینی دوُوام اتدیرجِکدیکلرینی بِللأن أردوُغان ایقدیصادیهت، مالیه و بازارلاردا هیچ حیلی چیقغینسیزلیغینگ یوُقدیغینی حابار بردی.
قورامانینگ بیلهکی ۱۷۰ یورتداقی مکدپلرینینگ یاپیلماغا باشلاندیغینی یاتلادان تۆرکیأنینگ جمهورباشلیغی رجب طیب اردوغان "چأره گؤرمهسهلر اولارینگ باشینا هم بِلا بوُلار" دییپ دویدوردی.
فتونینگ لیدرینینگ تۆرکیأ ایزینا بریلمهگی اۆچین اؤنگۆمیزدأکی گۆنلرده آمریکا ساپارلارینگ قورالجاقدیغینی آیدان أردوُغان شو گۆنکی گۆنه چنلی آمریکانینگ اؤزلریندن ترورچی ایسلأن واغتی دلیل سوُرالمان حاییشینگ یرینه یتیریلِندیگینی شیله ده واشنگتنینگ بو اتابی اوزالتماغینی ایسلهمهیأندیگینی بِللهدی.
ترور قورامانینگ یوُلباشچیسینینگ قاچماق أحتیماللیغینینگ اۆستۆنده دوروپ گچن أردوُغان :
"بو اِیّأم آمریکانینگ جوُغاپکأرچیلیگی. بولار یالی یاغدای نأدیپ دۆشۆندیرِرلر" دیدی.
تۆرکیهده یاقیندا بوُلوپ گچن أهلی واقالارینگ جوُغاپکأرچیلیگینی فتو دگیشلی اتمهگینگ نأدوُغریدیغینی بِللأن أردوُغان:
"بو حیاناتچینی بو درجهده اولالتمالی دأل، اوُنونگ اوُل درجهده عاقلی یوُق" دیدی.
ت. ر. ت-ده ۹-نجی آگوستدا روسیا قوراجاق ساپاری بارادا هم دوروپ گچن أردوُغان ساپارینگ ۲۴-نجی نوُیابرداقی اوچار واقاسیندان سوُنگ باشلان دارتغینلیغینگ عهده سیندن گلمه ک تایدان واجیپدیغینی مألیم اتدی.
أردوُغان روس لیدر پوتین بیلن گچیرجک دوشوشیغینینگ اساسی مسئلهلرینینگ هم سوریه دأکی دارتغینلیق بوُلجاقدیغینی نیغتادی.
دِگیشلی حابارلار
أردوُغان نیویورک دا پزشکیان بیلن دوشوشدی
ایکی جمهورباشلیغینگ دوشوشیغیندا تۆرکیه بیلن ایران ینگ تاریحی و مدنی باغلانشیقلارا اۆنس چکیلدی
دمیرقازیق عیراق و سوریه ده 3 ترورچی تأثیرسیز یاغدایا گتیریلدی
تۆرکیه توتان یرلی یاغدایدا ترورچیلار بیلن گؤرهشینه دوُوام ادیأر