آمریکانینگ داشاری ایشلر وزیری تۆرکیأ گلر

آمریکانینگ داشاری ایشلر وزیری جان کری شو آی تۆرکیأ ساپار قورار.

ساپارینگ ۲۱ آگوست دا یادا اۇندان سۇنگرا قورالجاغی بیلدیریلیأر.

تۆرکیه سۇنگقی دؤوۆرده فتح الله چی ترور قوراماسی فتونینگ یۇلباشچیسی‌نینگ قایتاریلماغی اۆچین واشنگتن دۇلانشیغینا باسیشی یۇقارلادیپدی.

کری‌نینگ تۆرکیه‌دأکی دوشوشیقلاریندا بو مسئله ماصلاحاتلاشیلار.

دوشنبه گۆنی آنکارا گلیپ تۆرکیأنینگ قشون باشلیغی حلوصی آقار بیلن باش وزیر بینالی ییلدیریم بیلن دوشوشان و تۆرکیأنینگ بمبالانان بیک میللت مجلیسینی زیارات ادن آمریکانینگ قشون باشلیغی جوزف دانفورد تۆرک تاراپی‌نینگ فتونینگ باشلیغی حاقینداقی قاراییشلارینی آمریکان رسمیلرینه یتیرجِکدیگینی بیلدیریپدی.

دانفوردا آمریکانینگ گۆلِن-ی قایتارمازلیغی حالاتیندا ایکی یوردونگ قاتناشیقلاریندا اولی مسئله‌لر دؤره‌جِکدیگینی آیدان باش‌وزیر بینالی ییلدیریم ایکی گۆن اۇزال بیر تلویزیون کانالیندا آمریکانینگ آغدارلیشیغا سینانشیغینگ باشلیغینی تۆرکیأ قایتارماغینی ایسلأپدی.