تۆرکیأنینگ یاراغلی گۆیچلرینینگ حاص تأثیرلی یاغدایا گتیریلمهگی اۆچین طایارلیق گؤرۆلیأر
بینالی ییلدیریم گۆنترتیبینینگ ایلری توتولیان اوغورلاری حاقیندا چیقیش اتدی
![تۆرکیأنینگ یاراغلی گۆیچلرینینگ حاص تأثیرلی یاغدایا گتیریلمهگی اۆچین طایارلیق گؤرۆلیأر](http://cdn.trt.net.tr/images/xlarge/rectangle/01ad/869f/c715/57a17462632bc.jpg?time=1718304460)
تۆرکیأنینگ باشوزیری بینالی ییلدیریم جمغیتچیلیک- حاربی دنگآغراملیلیغا گیریزیلن اۆیتگِتمهلر بیلن تۆرکیأنینگ یاراغلی گۆیچلرینینگ گۆیچدن قاچیریلمایاندیغینی، ترسینه حاص تأثیرلی یاغدایا گتیریلمهگی اۆچین طایارلیق گؤرۆلیأندیگینی آیتدی.
قانونی اۆیتگِتمهلرده اؤسِن یورتلارینگ یاراغلی گۆیچلریندن گؤرهلده آلینادیغینی یاتلادان باشوزیر، "فتح الله چی ترور قوراماسی (فتونینگ) موندان سۇنگ یاراغلی گۆیچلرینینگ سانیندا ایش آلیپ بارمازلیغی یادا شونگا منگزش آغدارلیشیق سینانشیقلارینینگ ایندی قایتالانمازلیغی اۆچین چأره گؤردۆک" دیدی.
ییلدیریم گۆن ترتیبینینگ ایلری توتولیان اوغورلاری حاقیندا بیانات بردی.
۱۵-نجی ایولداقی آغدارلیشیق سینانشیغینا قاتناشانلارینگ قانونلارینگ چأگینده جزالاندیلریلجاقدیغینی آیدان باشوزیر "تۆرکیه حقوق دؤولتیدیر و بیز هم آغدارلیشیغا سینانشیغا قاتناشانلارینگ و اۇلارا قۇلداو برنلرینگ قانونلارینگ چأگینده جزالاندیریلماغی اۆچین تاغاللا ادیأریس" دییپ بِللهدی.
باشوزیر ییلدیریم سینانشیق گیجهسی "یورتدا پاراحاتچیلیق دییأرکألِر آسودا ایلاتا قارشی حاربی اوچارلاردان و دیکاوچارلاردان بمبا یاغدیرانلار، تانکلاری حالقینگ اۆستۆنه سۆرِنلر، دیکاوچارلار بیلن چم گلن یره اۇد آچانلار حاسابینی برمهلی بۇلار" دییپ بِللهدی.