آلمان ژورنالیست اؤز یوردونی تانقیت اتدی
مارتین لژون: فتح الله چی ترور قوراماسی پارالل دؤولت اولغامی آلمانیا اۆچین اولی حۇوپدیر
آلمان ژورنالیست مارتین لژون فتح الله چی ترور قوراماسی پارالل دؤولت اولغامی نینگ (فتو/ پ. د. ی) ۱۵-نجی ایول داقی آغدارلیشیغا سینانشیغیندان سۇنگ آلمانیاداقی مطبوغات و سیاساتچیلارینگ واقا حاقیندا چیشیریملی زاتلار آیدیاندیغینی نیغتادی.
ۀژون ت. ر. ت کانالینا برن رپرتاژیندا "من بیر آلمان ژورنالیست حؤکمۆنده آلمان مطبوغاتینا حیران قالدیم. تۆرکیأ قارشی عادالاتلی بۇلمادیق بیر سیاساتی ایزارلایارلار" دیدی.
لژون "آلمان مدیاسینینگ تۆرکیأنینگ علیهینه ایشله یأندیگینی گؤریأرین. تۆرکیأ قارشی زاتلار طایارلاماق، تۆرکیأ قارشی مِچِو برمهک اۆچین تاغاللا ادیأرلر. اۇلار تاراپیندان، آغدارلیشیغا سینانشیغینگ اؤنگۆنده دوران تۆرک حالقی گؤیأ اولی بیر باسیش آستینا آلینماق ایسله نیأر. آغدارلیشیق اتمهک ایسله یأن، باسیش اتمأگه سینانشیان قشونا دگیشلی بیرنأچه آدام دا دموکراسی تاراپداری یالی گؤرکِزیلیأر." دیدی.
آلمان مدیاسینینگ کمچیلیکلری قۇوی، قۇوی زاتلاری اربت گؤرکِزِندیگینی یاتلادان آلمان ژورنالیست:
"ادیلیأن زاتلار دۇغرینی بیلیپ ده اِگری یۇلا گیتمهکدیر. شۇل گیجه برلیندن آتاتۆرک قۇنالغاسینا گلدیم. یاراغلی عسگرلرینگ گلن یۇلاغچیلار بؤلۆمینی باسیپ آلانلارینی اؤز گؤزۆم بیلن گؤردیم. سۇنگرا سایلانان جمهورباشلیق رجب طیب أردۇغانینگ قۇنالغا گلِنینی گؤردۆم. حالقیگ اۇنی باغرینا باساندیغینی دا گؤردۆم. شولارینگ هِممهسینی اؤز گؤزۆم بیلن گؤردۆم. دینگه آلمان مطبوغاتینینگ حابارلاری بیلن یتینسهدیم اۇندا باشغا بیر گؤزیتیمه ایه بۇلاردیم" دییپ بِللهدی.
فتح الله چی ترور قوراماسی پارالل دؤولت اولغامی نینگ (فتو/ پ. د. ی) آلمانیادا تأثیری باردیغینی نیغتان آلمانیالی مطبوغات ایشگأری اؤز یوردی اۆچین دویدوریش بردی.
لژون:
"شو واغت فتونینگ آلمانیاداقی آلیپ باریان ایشلری یاقیندان ایزارلانمادیق یاغداییندا نأحیلی ایشلرینی گینگه لتجِکدگیینی؛ ایدئولوژیلرینی هر یره یتیرجکدگیینی آلمان رسمیلری و گیزلین حابار آلما ادارالاری نینگ تاراپیندان کنترل ادیلمأن حالاتیندا بولارینگ آلمانیا اۆچین اولی حۇوپ بۇلاندیغینی آیدیارین. کؤک سالماغی و اۇقوو یرلری بیلن، مدیا تایدان دا تأثیرلی بۇلاندیقلارینی بیلیأرین. اۇلار حاتدا پارتیالاردا دا بار. هریستیان (مسیحی) دموکراتیک بیلهلهشیگینه ده گیریپدیرلر. سوسیال دموکرات پارتیادا شیله. اۇلار بِللی باشلی دؤولت قورامالاریندا دا بار. تۆرکیه دأکی آغدارلیشیغا سینانشیق ادنلرینگ حاساپ برمهگی اۆچین آلمانیا تۆرکیه بیلن بیله ایشلهشمهلیدیر" دیدی.