ییلدیریم دۆنیأ مطبوغاتینا رپرتاژ بردی

تۆرک حؤکۆمِتی فتح الله چی ترور قوراماسی- پارالل دؤولت اولغامی نینگ (فِتو/ پ. د. ی) 1۵-نجی ایول داقی آغدارلیشیق سینانشیغیندان سۇنگ دۆنیأ جمغیتچیلیگینه دۇغری ماغلومات برمه ک اۆچین آرمان- یادامان ایش آلیپ باریار.

شۇل چأکده باش وزیر بینالی ییلدیریم داشاری یورت مطبوغاتینا بیانات برمأگه دۇوام ادیأر.

بیاناتلاردا ایلری توتولیان اوغور آمریکانینگ فِتو-نینگ یۇلباشچیسینی ایزینا بریپ برمه جِکدیگی...

آمریکادا چاپ ادیلیأن "وال استریت ژورنال" قازتینه بیانات برن باش وزیر بینالی ییلدیریم، آغدارلیشیق سینانشیغینی قوراماقدا عاییپلانیانلارینگ بویروغی گۆلِن دن آلاندیقلاری بارادا دۆشۆندیرش برندیگینی آیتدی.

گۆلن ینگ تۆرکیأ قایتاریلیپ بریلمه گی اۆچین دلیللرینگ آچیقدیغینی نیغتان باش وزیر "آمریکانینگ بو مسئلأ بۇلان چمه لشمه سی گؤونۆمیزی ییقدی، نأمه اۆچین ایزینا برمه یأندیکلرینه دۆشۆنه میزۇق" دیدی.

رسمی واشینگتن ینگ دلیل سۇراندیغینی یاتلادان ییلدیریم "۲۶۵ آدام اوچارلار تاراپیندان بمبالانیپ، تانکلار تاراپیندان مینجیرادیلیپ اؤلدۆریلدی، نأمأنینگ دلیلینی سۇرایانگیز" دییپ سۇرادی.

بینالی ییلدیریم فتونینگ یۇلباشچیسی گۆلن ینگ توسساغ ادیلمه گی باراداقی دلیلرینگ آمریکا اوغرادیلاندیغینی نیغتادی.

ییلدیریم گاردین قازتینه برن بیاناتیندا دا گۆلن ینگ ایزینا قایتاریلیپ بریلمه گی مسئله سینه اۆنسی چکدی.

باش وزیر ییلدیریم آمریکانینگ فتح الله چی ترور قوراماسی نینگ- پارالل دؤولت اولغامی نینگ لیدری فتح الله گۆلِن-ی قۇلداجاقدیغینا اینامایاندیغینی آیتدی.

ییلدیریم گاردین قازتی نینگ اینترنت صاحیپاسیندا چاپ ادیلن صؤحبِتدشلیکده آغدارلیشیق سینانشیغی نینگ قورالان گیجه سی بارادا "اۇنونگ میللته قارشی آغدارلیشیق سینانشیغیدیغی نتیجه سینه گلدیک و میللتی اؤز گلجگینه، یوردونگ گلجگینه ایه چیقماغا چاغیردیق" دیدی.

بو هۆجۆملری ایزا سرپیکدیرندن سۇنگ ساقلانانلارینگ آراسیندا حاربی اگین اشیک گیه ن آداملار بۇلدی.

اۇلار دِسسینه بۇیون آلماغا باشلادیلار. تۆرکچه ده بیر سؤز بار"بیلبیل یالی سایرادیلار" دیه ن ییلدیریم "ایلکینجی دۆشۆندیریشلردن گؤز یتیریشیمیزه گؤرأ بو اوزاق واغتدان بأری مِیلله شدیریلن آغدارلیشیق سینانشیغی و دگیشلی چأره لری یکه- یکه دن گؤرۆپدیرلر. قشون باشلیغیمیزی ضامون آلان واغتلاری اۇنگا بو ترور قوراماسی نینگ لیدرینه، فتح الله گۆلِن- ه تلفن ادیپ بیلجِکدیکلرینی، اۇنونگ صؤحبِتدِشلیک گچیرمه گیین یۇلا قۇیوپ بیلجِکدیکلرینی، شیله لیکده اؤزۆنینگ هم اۇپراسیا قۇشولیپ بیلجِکدیگینی آیدیپدیرلار" دیدی.

گۆلن ینگ آمریکادا یاشایانلیغی سبأپلی حالقینگ آنگیردا "ایسه م بو ایشه آمریکانینگ داحلی یادا قۇلداوی بارمیقا" دییلن سۇراغلارینگ باردیغینی گۆررۆنگ برن ییلدیریم "تۆرکیه و آمریکا اوزاق گچمیشلی دۇستلوقلی قاتناشیقلارا ایه. حیذماتداش و استراتژیک شأریک، شیله ترور قوراماسی نینگ لیدرینی قۇلداجاقدیغینا ایانمایارین" دیدی.

گۆلن ینگ آغدارلیشیق سینانشیغینا داحیللیغی باراداقی دۇلونینگ انته ک آمریکا اوغرادیلماندیغینی نیغتان ییلدیریم

"اوغراداریس و اۇنگا دگیشلیدیگی باردا هیچ حیللی شک قالماز" دیدی.

تۆرکیأنینگ باش وزیری "آمریکا بو سپگیتدن سۇنگ اؤزی اۆچین سِبیتده و دۆنیأده استراتژیک حیذماتداشی بۇلان تۆرکیه بیلن بأحبیتلی حیذماتداشلیق اتجِکدیگینی پیکیر اتمه لی" دیدی.

باش وزیر ییلدیریم بریتانیانینگ اسکای نیوز تلویزیون کانالینا برن ربیاناتیندا ایزا سرپیکدیریلن آغدارلیشیق سینانشیغیندان سۇنگ باشلادیلان دِرنگِو ایشی نینگ دۇوام ادیأندیگینی آیتدی.

اؤلۆم جزاسی بیلن باغلی سۇراغلارا دا جۇغاپ برن ییلدیریم، تۆرکیأنینگ دموکراتیک یورتدیغینی، شۇل سبأپلی حؤکۆمِتینگ حالقدان گلیأن سسه قولاق آسجاقدیغینی نیغتادی.

ییلدیریم "بیز ایلکی میللتیمیزی دینگلأریس، سۇنگ بۇلسا باشغالارینا سر ادریس.میللتیمیز نأمه دیسه شۇنی ادریس" دیدی.

باش وزیر بینالی ییلدیریم اوروپا بیله له شیگی کمیسیونی نینگ باشلیغی یان کلود یونکرینگ "تۆرکیه ده اؤلۆم جزاسی قایتادان دیکِه دیلن یاعداییندا اوروپا بیله له شیگینه آغضالیق گپله شیکلری نینگ بس ادیلجِکدیگی" باراداقی سؤزلری یاتلادیلاندا بۇلسا یونکرینگ حاص اۆنسلی بیاناتلار برمه لیدیگینی نیغتاپ "تۆرکیه شیله اولی هۇوا قارشی گؤره شیأرکأ بارماغینی گؤتِریپ، تۆرکیأ آبای- سیاسات اتمه گی اۇنونگ گۆیجۆنده دأل، قاتی گؤرمه سین" دیدی.