فتح الله چی ترور قوراماسیندان توسساغ عسگرلر

فتح الله چی ترور قوراماسینا آغضا عسگر و حۇوپسوزلیق گۆیچلرینه اۇپراسیالار (عملیاتلار) دۇوام ادیأر.

حاربی آغدارلیشیق سینانشیغیندان سۇنگ فتح الله چی ترور قوراماسینا آغضا بۇلان حووپسوزلیق گۆیچلرینه و عسگرلره قارشی اۇپراسیالار گینگ گریملی دۇوام ادیأر.

مۆنگلرچه عسگرینگ گؤز توسساغلیغینا آلینمالیدیغی بارادا قارار قابول ادیلدی.

اِنچمه ولایاتدا گچیریلیأن اۇپراسیالاردا حأضیرکی واغتا چنلی ترور قوراماسینا قۇلداو برمه ک بیلن عاییپلانیان ۴۰ ژنرال و آدمیرال بیلن ۱۷۰ یۇقاری درجه لی افسر توسساغ ادیلدی.

آنکارادا آرالاریندا حاربی هۇوا بازاسی نینگ سرکرده سی ژنرال هاکان اوریم هم بۇلان ۹۹ آدام توسساغ ادیلدی.

موندان باشغا دا آرالاریندا اتراپلارینگ ایچری ایشلر مۆدیرلری هم بۇلان ۱۰ پلیس ایشگأری توسساغ ادیلدی.

بیله کی تاراپدان بۇلسا فتح الله چی ترور قوراماسی نینگ آغضالارینی آنیقلاماق و اۇلاری توسساغ اتمه ک اۆچین ایستامبول شأهِری نینگ یشیل کؤی دییلن یرینده یرله شیأن حاربی هۇوا مکدبینده و یاشاییش جایلاریندا اۇپِراسیا قورالدی.

ترورا قارشی گؤره ش بؤلۆمی نینگ ایشگأرلری بیلن پلیس قوللوغی نینگ یؤریته لشدیریلن بؤلۆمی نینگ ایشگأرلری اؤیلرده و جایلاردا گؤزله گ ایشلرینی یرینه یتیریدیلر.