چاووش اوُغلی بوسنیادا

سربرنیتسا قیرغینچیلیغیندا آرادان چیقان مسلمانلار اۆچین شو گۆن حاطیرا گۆنی گچیریلیأر.

دابارا تۆرکیه دن داشاری ایشلر وزیری مولود چاووش اوُغلی قاتناشیار.

اوروپانینگ اوُرتاسیندا، بۆتین دۆنیأنینگ گؤزۆنینگ اؤنگۆنده بوُلان قیرغینچیلیقدان ۲۱ ییل گچدی.

۱۹۹۵-نجی ییلدا صرپلار تاراپیندان ادیلن قیرغینچیلیغینگ غام غوصصاسی دۆین یالی تأزه.

قیرغینچیلیقدا آرادان چیقان ۸ مۆنگدن قوُوراق مسلمان بوُسنیالی نینگ یاتلاما داباراسینا هر ییل مۆنگلرچه آدام قاتناشیار.

بوسنیا باران تۆرکیأنینگ داشاری ایشلر وزیری چاووش اوُغلی سارایوو داقی کواچی قوُنامچیلیغینا باردی.

بوسنیانینگ ایلکینجی جمهورباشلیغی مرحوم علی عزت بگوویچ ینگ قبوریندا دعا ادن چاووش اوُغلی سوُنگ بوُلسا یونس امره مدنی مرکزیندأکی قیرغینچیلیق سرگیسینی یاقیندان باریپ گؤردی.

شوُل دابارادا چیقیش اتجک چاووش اوُغلی دابارادان سوُنگ بوُسنیالی شهیتلرینگ اجه لری بیلن دوشوشار.