ایستامبول- آتاتۆرک قۇنالغاسیندا حیاناتچیلیقلی ترور

ایستامبول داقی آتاتۆرک قۇنالغاسیندا بۇلان ترورچیلیقلی هۆجۆمده ۳۶ آدام اؤلدی، ۱۹۷ آدام یارالاندی.

اۆچ اؤزۆندن گچمه لیک (انتحاری) هۆجۆمچی ایستامبول داقی آتاتۆرک قۇنالغاسینا هۆجۆم قورادی.

ترورچیلارینگ داعش تۇپاری نینگ آغضالاری بۇلاندیقلاری چاق ادیلیأر.

ساغات ۲۱.۲۲-ده داشاری اوچوشلار ترمینالیندا بیر اؤزۆندن گچمه لیک هۆجۆمچی بدنیندأکی بمبانی پارتلاتدی.

پارتلامادان سۇنگ یۇقاری مرتبه دأکی ایکی ترورچی اللریندأکی کلاشنیکوف بیلن تؤوه رِه گه اۇد آچدی.

حۇوپسوزلیق گۆیچلری بیلن چاقنیشان ترورچیلاردان بیری اورولدی.

یره ییقیلان ترورچی اؤز اۆستۆندأکی بمبانی پارتلاتدی.

یاراغلی اۆچۆنجی ترورچی دا اؤزونی پارتلاتدی.

یارالانانلار کسلحانالارا ایبریلدی.

هۆجۆمدن سۇنگرا یاپیلان قۇنالغا دانگ بیلن ساغات ۰۲.۲۲-ده تأزه دن آچیلدی.

باش وزیر بینالی ییلدیریم گۆنأسیز آداملاری نیشانا آلان حیاناتچیلیقلی هۆجۆمینگ ترور بیلن ساواشینگ قۇوی یاغدایدا دۇوام اتمه گی، قۇنگشیلار بیلن قاتناشیقلارینگ عاداتی یاغدایینا اؤورۆلمه گی بادیندا بۇلاندیغینا اۆنس چجدی.

ترورچیلیغینگ گلوبال مؤچبِرینه اۆنس چکن باش وزیر ترور بیلن ساواشینگ گلوبال یاغدایدا دوۇام ادیلمه گینی ایسله دی.

"تۆرکیه بو حیاناتچیلیقلی تاسلامانینگ اۆستۆندن گلیپ بیلجِک گۆیجه ایه دیر" دیه ن بینالی ییلدیریم، بۆتین واطانداشلاری جبیسلیگه چاغیردی.