پوتین بیلن أردۇغان تلفن آرقالی صؤحبِتدِشلیک گچیرر

تۆرکیه بیلن روسیانینگ آراسینداقی یاقین قاتناشیقلارینگ تأزه دن دیکه دیلمه گی اۆچین ایکینجی اِتاپ باشلادی.

روسیانینگ یۇلباشچیسی ولادیمیر پوتین ۲۴-نجی نۇیابردا تۆرک هۇوا گینگیشلیگینی بۇزاندان سۇنگ اورلان روس اوچاری باراداقی تۆرکیأنینگ جمهورباشلیغینا میندارلیق بیلدیرر.

جمهورباشلیقلیقدان چشمه لر ایکی یۇلباشچی نینگ ارتیر تلفن آرقالی دوشوشجاقدیغینی بیلدیردی.

دوشوشیقدا پوتین أردۇغانا یازان قینانچ حاطی سبأپلی مینتدارلیق بیلدیرر.

دوشوشیق حاقیندا کرملین بیانات بردی.

بیله کی تاراپدان تۆرکیأنینگ جمهورباشلیغی نینگ ولادیمیر پوتینا ایبرن حاطیندا هیچ بیر حالاتیندا اؤتۆنچ سۇرالماندیغی بیلدیریلدی.

قینانچ حاطیندا اؤلِن اوچارمانینگ ماشغالاسینا یۆزله نیپ قینانچ بیلدیریلدی و "قاتی گؤرمه سینلر" دییلدی.

چشمه لر، قینانجینگ دؤولته دأل، ایسه م ماشغالا بیلدیریلِندیگینه اۆنس چکدیلر و ماشغالا تؤله گ تؤله نمه گی باراسیندا دا بیر زات یازیلماندیغی آیدیلدی.

تۆرکیأنینگ باش وزیری بینالی ییلدیریم دا روسیا اورلان اوچار سبأپلی تؤله گ بریلمه جِکدیگینی یاتلاتدی.

ییلدیریم "بیز دینگه قینانچ بیلدیردیک. تؤله گ تؤله نمه گی یالی بیر زات گۆن ترتیبینده یۇقدیر" دیدی.