أردۇغان اوروپا یورتلارینی برک تانقیت اتدی

تۆرکیأنینگ جمهورباشلیغی رجب طیب أردۇغان بۆتین دۆنیأ انسان پرور ماصلاحاتی نینگ چأگینده بیرلشن میللتلر قوراماسی نینگ باش سرکرده سی بان کی مون بیلن گچیریلن بیله لیکدأکی مطبوغات گنگه شینده اوروپا بیله له شیگی نینگ تۆرکیه دأکی بۇسغونلار اۆچین برمه گی کِپیلله ندیرن قۇلداوینی گیجیکدیرمه گینه قارشیلیق گؤرکِزدی.

أردۇغان "تۆرکیه یاغشیلیغا قاراشمایار. اۇنی آچ آچان آیتدیم. بیز دۇغروچیللیغا قاراشیاریس" دیدی.

ویزا ارکینلیگی اۆچین قۇیلان ترورچیلیغا قارشی گؤره ش قانونینا اۆیتگِتمه گیریزیلمه گی باراداقی شرط ده قارشیلیق گؤرکِزن أردۇغان "تۆرکیأ انته گِم شرط قۇییارسینگیز، قاتی گؤرمأنگ. اۇنگا بِللی بیر یره چنلی چیدام ادریس. سۇنگ تۆرکیه آحیرقی قارارینی برر. آحیرقی قارارینی برندن سۇنگ قالانینی سیز پیکیر ادینگ" دیدی.

شرطلرینگ قۇیولماغی بۇیونچا تۆرکیأنینگ وزیرلر درجه سینده اوروپا بیله له شیگی نینگ یۇلباشچیلاری بیلن گپله شیکلر گچیریلجِکدیگینه اۆنسی چکن أردۇغان "شۇل گپله شیکلردن نتیجه آلینمان حالاتیندا تۆرکیأنینگ مجلیسیندن بۇسغونلارینگ ایزینا قابول ادیلمه گی باراداقی شرطنامانینگ ایش یۆزۆنه گچیریلمه گی بارادا قارار، قانون چیقماز. بیزه یؤنه شرط قۇیوپ دورمانگ، بأریسی تۆرکیه" دیدی.

أردۇغان سؤزی ویزا ارکینلیگی بۇیونچا بار بۇلان ایکی استانداردلیلیغا گتیریپ "لاتین آمریکادان ویزا سۇرالیار می؟ اۇلار آرقایین گلیأرلر، ویزاسیز اوروپا بیله له شیگینه آغضا یورتلار گیرأرلر. تۆرکیه دن نأمه اۆچین ویزا سۇرایارسینگیز" دیدی.