أردۇغان بۆتین دۆنیأ انسان پرور ماصلاحاتینی آچدی

بیرلشن میللتلر قوراماسی نینگ تاریحیندا ایلکینجی گِزِک بۆتین دۆنیأ انسان پرور ماصلاحاتی گچیریلیأر.

ماصلاحات تۆرکیأنینگ ایستامبول شأهِرینده گچریلیأر.

تۆرکیأنینگ جمهورباشلیغی رجب طیب أردۇغان ماصلاحاتینگ آچیلیش داباراسیندا ادن چیقیشیندا تۆرکیأنینگ شو گۆنکی گۆنده ۱۴۰-دان قۇوراق یوردا انسان پرور و قالقنیشی کؤمِگینی بریأندیگینی، مۆنگلرچه تاسلامانی دورموشا گچیرِندیگینی آیتدی.

أردۇغان سؤزلأن سؤزۆنده غام غوصصانینگ رنگی نینگ، دیلی نینگ، دینی نینگ بۇلمایاندیغینا قۇوی دۆشۆنیأن تۆرکیأنینگ سوریه لی و عیراقلی ۳ میلیوندان قۇوراق بۇسغونی میهمان آلاندیغینی یاتلاتدی.

تۆرکیأنینگ جمهورباشلیغی "بویسانچ بیلن نیغتاسیم گلیأر، بو بۇسغونلیق، سیغینما ایشی دۇوام ادن حالاتیندا دا بُمباردیماندان قاچان، اولی حۇوپلارا سزه ور بۇلان سوریه لی، عیراقلی،کیم بۇلسا بۇلسون قاپیمیز المیداما آداملارا، آدامکأرچیلیگه آچیق بۇلار" دیدی.

ایستامبول ینگ ماصلاحاتلار مرکزی نینگ حربیه زالیندا گچیریلن دابارا بیرلشن میللتلر قوراماسی نینگ باش یازمانی بان کی مون بیلن بیرلیکده آلتمیشا قۇلای دؤولت و حؤکۆمت یۇلباشچیلاری، وزیرلر و دؤولت وکیلیه تلری قاتناشیار.

آمریکالی اۇیونچی فورست ویتاکرینگ آلیپ بارماغیندا بۇلان آچیلیش داباراسیندا دۆنیأدأکی قومانیتار (انسانی) پاجیغالار بارادا ویدئو شکیللر گؤرکِزیلدی.

ایر ارتیر گچیریلن یۇلباشچیلار مجلیسینده ده أردۇغان و بان کی مون قیسغاچا چیقیش اتدیلر.

رسمی ناهارلی مجلیسه ۶۰- آ قۇلای دؤولت و حؤکۆمِت یۇلباشچیسی بیلن وکیللر قاتناشدیلار.

قاتناشیجیلار سۇتگ بۇلسل یأدیگأرلیک صورات آلدیردیلار.

ماصلاحاتدا گلوبال یۇلباشچیلارینگ "آدامزادینگ گۆن ترتیبی" رسمیناماسینی حاص دا گینگه لتمه ک اۆچین قاراییشلارینی بیان اتجک مجلیسلری گچیریلر، دۆنیأنینگ قومانیتار پاجیغالار چأگینده دوچار بۇلیان قینچیلیقلاری بارادا لیدرلرینگ گۆیچلی وادالار بریپ بیلجک اۇتورشیقلار قورالار.

بیرلشن میللتلر قوراماسی نینگ بۆتین دۆنیأ انسان پرور ماصلاحاتیندا ۷ سانی اۇتورشیق، ۱۵ سانی یؤریته مجلیس و ۱۲۰-أ قۇلای چأره گچیرلر.

انسان پرور کؤمیک استراتژیلری و عاداتدان داشاری یاغدایلارا قارشی نتیجه لی سیاساتلارینگ کِسگیتله نمه گینی ناظاردا توتیان ماصلاحاتدا تۆرکیه قاتناشیجی یورتلار بیلن عاداتدان داشاری و انسان پرور کؤمِک بۇیونچا تجریبه آلیشار.