اف-۳۵ ساواش اوچارلاری گلیأر
تۆرکیه ایسلأن ۱۰۰ سانی اف-۳۵ اوچاری نینگ ۲-سینی ۲۰۱۷-نجی ییلدا آلار
تۆرکیه بیلن بیله لیکده ۸ یوردونگ بیله لیکدأکی کنسرسیومی تاراپیندان اؤندۆریلن اف-۳۵ ساواش اوچارلاری نینگ ۱۰۰ سانینا قۇلایی ۲۰۱۸-نجی ییلا چنلی اۇرتاق یورتلارا بریلر.
اف-۳۵ ساواش اوچاری نینگ پروگراممادان جۇغاپکأری ژنرال کریستوفر بۇگدان اوچارلارینگ ایه لرینه قۇوشوریلماغی باراسیندا اؤتن ییل ۴۵ اوچارینگ اۇرتاق یورتلارا بریلِندیگینی نیغتاپ، ۲۰۱۸-نجی ییلا چنلی ۱۰۰-دن قۇوراق اوچارینگ کنسرسیومداقی اۇرتاقلارا بریلجِکدیگینی نیغتادی.
بۇگدان، ۲۰۱۸-۲۰۲۰ ییللار آرالیغیندا ۱۴۵ اوچارینگ اؤندۆریلجِکدیگینی یاتلاتدی.
بۇگدان اؤنگۆمیزدأکی ۴ ییلدا دۆنیأنینگ ۱۷ یرینده اوچارلارینگ رِمونت (تعمیر) مرکزی نینگ آچیلجاقدیغینی آیتدی.
تۆرکیه بو تاسلاما ۲۰۰۲-نجی ییلدان بأری قاتناشیار.
پروژأنینگ باشغا اۇرتاقلاری استرالیا، کانادا، دانمارک، ایتالیا، هلند، نروژ، انگلستان و آلمان.
ایسرائیل، ژاپن و گۆن اۇرتا کره ده داشاری یورت حؤکمۆنده آمریکادان عسگری شای سپ آلانی اۆچین بو اوچارلاردان ساتین آلار.
تۆرکیه ایسلأن ۱۰۰ سانی اف-۳۵ اوچاری نینگ ۲-سینی ۲۰۱۷-نجی ییلدا آلار.