داووداۇغلی استراسبورگ دا

تۆرکیأنینگ باش وزیری احمد داووداۇغلی اوروپا گنگه شی نینگ وکیللر مجلیسی نینگ باشلیغی پدرو آگراموندینگ چاقیلیغی بیلن فرانسیانینگ استراسبورگ شأهِرینه باردی.

داووداۇغلی ایلکی بیلن اوروپا گنگه شینده وکیللر مجلیسی نینگ باشلیغی آگرامونت بیلن دوشوشدی.

تۆرکیأنینگ باش وزیری بو دوشوشیقدان سۇنگرا مطبوغات کنفرانسینی بردی.

تۆرک دیلی نینگ اوروپا گنگه شی نینگ ایشجِنگ دیلی بۇلماغیندان سۇنگرا ایلکینجی گِزِک بیر تۆرک باش وزیری نینگ عمومی ماصلاحاتدا تۆرکچه چیقیش اتجِکدیگینه اۆنس چکن داووداۇغلی ۲۰۱۰-نجی ییلدا اوروپا گنگه شی نینگ وزیرلر کمیته سی نینگ ایشله یأنلری نینگ قایتادان ایشله مأگه باشلاندیغینا حۇشاللیق بیلدیردی.

آگرومانت بۇلسا باش وزیری میهمان ادندیکلری اۆچین حۇشاللیغینی بیلدیردی.

تۆرکیأنینگ داشاری ایشلر وزیری مولود چاووش اۇغلونینگ دا بیر دؤوۆر وکیللر مجلیسی نینگ باشلیغی حؤکمۆده ایشلأندیگینی یاتلادان آگرامونت "اؤیۆنگیزه یانگاداندان حۇش گلدینگیز. بیز سیزه یر ایه چیلیک ادِنیمیز اۆچین بویسانچلی" دییپ آیتدی.

داووداۇغلی اوروپا بیله له شیگی نینگ باشلیغی یان کلود یانکر، اوروپا گنگه شی نینگ عمومی یازمانی توربیان یاگلان و اوروپانینگ آدام حقوقلاری (حقوق بشر) قاضیه تی نینگ باشلیغی گوئیدو رایموندی بیلن ایکی چأک دوشوشیق گچیرر.

داووداۇغلی اوروپا گنگه شی نینگ وکیللر مجلیسی نینگ عمومی ماصلاحاتیندا دا چیقیش ادر.

تۆرکچأنینگ پارلمان مجلیسینده ایشجِنگ دیللری نینگ ساناوینا دگیشلی ادیلمه گی بیلن بیله لیکده داووداۇغلی عمومی ماصلاحاتدا تۆرکچه چیقیش ادر.

بو ساپاردا باش وزیر داووداۇغلینا اۇرونباساری لطفی الوان، اوروپا بیله له شیگی وزیری وۇلکان بۇزقیر و داشاری ایشلر وزیری مولود چاووش اۇغلو یۇلداشلیق ادیأر.