أردۇغان: تۆرکیأنینگ هایسیدیر بیر یوردا قارشی آصلا دوشمانچیلیغی ی
أردۇغان: سوریهلی تۆرکمن دۇغانلاریمیزا همیشه قۇلداو برریس
تۆرکیأنینگ جمهورباشلیغی رجب طیب أردۇغان تۆرکیأنینگ هایسیدیر بیر یوردا قارشی آصلا دوشمانچیلیغینینگ یۇقدیغینی، دینگه اؤزۆنی قۇراماق حقوغینا هر بیر آدامینگ صارپا حۇرمات قۇیمالیدیغینی آیتدی.
أردۇغان ۲۴-نجی نۇیابر موغاللیملار گۆنی میناسیبتلی جمهورباشلیقلیق کؤشگۆنده موغاللیملارینگ حۇرماتینا آغشام ناهارینی بردی.
أردۇغان ناهاردا ادن چیقیشیندا تۆرکیأنینگ صابیرلی و پاراساتلیلیغیسبأپلی سوریهده شو گۆنکی گۆنه چنلی شیله اولی پاجیغالارینگ باشدان گچیریلمأندیگینی بیلدیردی و "روس اوچارینینگ اورلوپ دۆشۆریلمهزلیگی اۆچین الیمیزدن گلینی اتدیک" دییپ بِللهدی.
"باییربوجاق تۆرکمن اۇبالاریندا ترور قوراماسی داعش دأل، ایسهم دینگه تۆرکمنلر بار، قارینداشلاریمیز بار، هیچ کیم بیزی اۇل یرده داعش بار دییپ آلداماغا سینانشماسین" دیهن تۆرکیأنینگ جمهورباشلیغی، "ترور قوراماسی داعشی بمبالایاریس" دییأنلرینگ باییر بوجاق تۆرکمنلرینی بُمبالایاندیغینی آیتدی.
أردۇغان باییربوجاق تۆرکمنلرینینگ دینگه تۇپراقلارینی قۇراماق ایسلأندیگینی باشغا هیچ حیلی نیتلرینینگ یۇقدیغینی نیغتادی.
أردۇغان "باییربوجاق تۆرکمنلری قارینداشلیق قاتناشیقلاری سبأپلی ادیل حلبدأکی، حمصداقی، دمشق و جولانداقی تۆرکمنلر یالی بیزینگ اۆچین آیراتین یره ایهدیر. اسده تابینلیقداقی گۆیچلرینگ و اۇنگا قۇلداو بریأن یورتلارینگ تۆرکمنلری نیشانا آلماغینینگ سبأبینی بیلیأریس. سوریأنینگ حؤکۆمِتینی قۇلداو برمهک ماقصادی بیلن داعشینگ یۇق یرلرینی بمبالایارلار. تۆرکیه أهلی ترور قورامالارینی یۇق اتمهک اۆچین توتانیرلی توتومینی دۇوام اتدیرر. تۆرکیه حؤکمۆنده اۇل یرده یاشایان دۇغانلاریمیزا اۇزال بۇلشی یالی موندان بیلأک هم قۇلداو برمأگه دۇوام ادریس" دیدی.
پرزیدنت أردۇغان "تۆرکیأنینگ تاغاللاسینا قۇلداو برمأن ایسهم اۇنی بؤکهتمأگه چالیشیان هر بیر آدام سوریهده اؤلِن ۳۸۰ مۆنگ آدامینگ قانیندان جۇغاپکأردیر" دییپ بِللهدی.
دِگیشلی حابارلار
أردوُغان نیویورک دا پزشکیان بیلن دوشوشدی
ایکی جمهورباشلیغینگ دوشوشیغیندا تۆرکیه بیلن ایران ینگ تاریحی و مدنی باغلانشیقلارا اۆنس چکیلدی
دمیرقازیق عیراق و سوریه ده 3 ترورچی تأثیرسیز یاغدایا گتیریلدی
تۆرکیه توتان یرلی یاغدایدا ترورچیلار بیلن گؤرهشینه دوُوام ادیأر