أردۇغان مطبوغات ایشگأرلری بیلن دوشوشدی

تۆرکیأنینگ جمهورباشلیغی رجب طیب أردۇغان آذربایجان‌دان قایدیشین اوچاردا مطبوغات ایشگأرلری‌نینگ سۇراغلارینا جۇغاپ بردی.
أردۇغان حؤکۆمِت قورولمادان اؤنگ مجلیسه گیرن ۴ پارتیانینگ یۇلباشچیلاری بیلن دوشوشجاقدیغینی مألیم اتدی.
أردۇغان "سیاسی اِتیگه لاییقلیقدا حؤکۆمِتی قورماق اۆچین سایلاولاردا اینگ کؤپ سس آلان سیاسی پارتیانینگ باشلیغینی حؤکۆمت قورماغی اۆچین بِللأرین. شۇل قوروپ بیلمه‌سه، ینه ده سیاسی اِتیگه لاییقلیقدا وظیپأنی بو گِزِک سایلاودا اینگ کؤپ سس آلان ایکینجی پارتیانینگ باشلیغینا بررین" دیدی.
پارتیالارینگ (حزبلرینگ) یۇلباشچیلارینی آیری آیری چاغیریپ مسئله باراسیندا پیکیرلرینی دینگلأپ گؤرجِکدیگینی نیغتان أردۇغان، سایلاولاردا ۱-نجی و ۲-نجی بۇلان پارتیالارینگ حؤکۆمِتی قوروپ بیلمأن حالاتیندا اساسی قانونا لاییقلیقدا یانگاداندان سایلاولارینگ گچیریلجِکدیگینی حابار بردی.
تۆرکیأنینگ جمهورباشلیغی "یوردومیزینگ مایاقۇیوملاری‌ینگ و حالقارا قاتناشیقلاری‌ننیگ تۇغتاتمازلیعی تایدان هم کِسگیتسیزلیک اوزاق واغت دۇوام اتمه‌لی دأل. حؤکۆمِت اینگ قیسغا مؤهلِتده قورولمالی" دییپ بِلله‌دی.