أردۇغان ت.ر.ت کانالینا مؤهۆم بیانات بردی
رجب طیب أردۇغان: گۆیچلی تۆرکیأنینگ گۆیچلی یۇلباشچا أتیأجی بار
تۆرکیأنینگ جمهورباشلیغی رجب طیب أردۇغان مؤهۆم مسئلهلر باراسیندا بیانات بردی.
أردۇغان ت.ر.ت کانالینا برن بیاناتیندا جمهورباشلیقلیق اولغامینینگ یورتلارینگ اؤسۆش دپگینینی گۆیچلِهندیریأندیگینی آیتدی.
پرزیدنت أردۇغان تۆرکیأنینگ حأضیرکی دۇلانشیق اولغامی بیلن اولی اؤنگه گیدیشلیک اتمهگینینگ مۆمکین دألدیگینی بِللهدی.
رجب طیب أردۇغان "انسانلاریمیزی هیجوولی، ایشهوۆر آداملاریمیز غایراتلی و بو مسئلهده اؤنگه گیدیشلیک اتمهک اۆچین لیدر مسئلهسینی چؤزمهگیمیز گِرِک. دورنوقلیلیق اۆچین، قارار قابول ادیلیش اِتابینینگ گۆیچلِندیریلمهگی اۆچین بیزه گۆیچلی یۇلباشچی گِرِک" دییپ بِللهدی.
أردۇغان جمهورباشلیق کؤشگۆنینگ چیقداجیلاری بارادا اؤنگه سۆرۆلیأن قاراییشلارا برک قارشیلیق گؤرکِزدی.
پرزیدنت کؤشگۆنینگ چیقداجیلارینینگ یۇقاری بۇلماندیغینی آیدان أردۇغان، اؤنگه سۆرۆلیأن قاراییشلار ثبوت ادیلن حالاتیندا وظیپهسیندن چکیلجِکدیگینی، تاصصیقلانمان حالاتیندا بۇلسا قاراییشلاری اؤنگه سۆرِنینگ وظیهسیندن چکیلمهلیدیگینی نیغتادی.
مصرینگ سایلانان ایلکینجی جمهورباشلیغی محمد مرسا برلن اؤلۆم جزاسی بارادا هم دوروپ گچن تۆرکیأنینگ جمهورباشلیغی "بیز مصرا ۲ میلیارد دلارلیق پول کؤمِگینی بردیک. اِمما شۇل پول کؤمِگینی اولانیپ بیلمهدی" دیدی.
دِگیشلی حابارلار
پ. ک. ک نینگ اۆچ ترورچیسی تأثیرسیز یاغدایا گتیریلدی
تۆرکیه ترورچیلیق بیلن توتانیرلی یاغدایدا گؤرهشمأگه دوُوام ادیأر